Actualitats
De refugiats sirians esplechats en Turquia per las grandas societats occidentalas de vestits
La BBC descobrís de desenats de cases de refugiats que trabalhan sens cap de proteccion e que son expausats a de produches quimics perilhoses
La còla del programa Panorama, de la cadena britanica BBC, a enquestat sus qualques usinas de Turquia e i a descobèrt de menors sirians que trabalhan per de marcas internacionalas coma Marks and Spencer e Asos, e tanben de refugiats adultes dins de lamentablas condicions d’esplecha per aprovesir los gigants Zara e Mango. Segon los títols de la BBC, son “los refugiats que fan nòstres vestits”.
Los jornalistas an parlat amb de representants de Marks and Spencer, qu'an refusat las acusacions e an dich que lo comèrci etic es fondamental per lor marca: ‘Totes los nòstres provesidors devon complir obligatòriament nòstras nòrmas d’aprovesiment”, çò a dich un pòrtavotz de la societat. Totun, l’emission Panorama a trobat sèt menors sirians que trabalhan dins las principalas usinas de l’entrepresa britanica amb un salari inferior a una liura per ora, expausats a de produches quimics sens cap de proteccion, e privats dels dreches basics dels trabalhadors.
L’enquèsta concernís tanben la distribuidoira en linha Asos. Dins aquel cas, Panorama a trobat onze refugiats sirians adultes e tres menors que i trabalhan. Segon un pòrtavotz d’Asos, la fabrica objècte de l’enquèsta es pas reconeguda per l’entrepresa, que s’es engatjada a pagar çò que caldrà perque los enfants tornen a l’escòla e per que los adultes ajan un salari digne fins al moment que trobaràn un emplec legal. “Aplicarem aquelas mesuras, e mai se qu’aquela fabrica a pas res a veire amb Asos”, çò a dich.
Una de las jornalistas de Panorama, Darragh MacIntyre, presenta las declaracions de desenats de trabalhadors sirians que parlan de salaris extrèmament basses e de las condicions de trabalh terriblas. “Sabon que son esplechats e i pòdon pas far res”, çò explica.
Segon l’enquèsta, los refugiats fan de jornadas de mai de dotze oras a far de vestits per Mango e Zara, expausats a de risques sanitaris. Segon Mango, l’usina èra jostrachada sens que n’aguèsson coneissença. De son costat, la societat Inditex, proprietària de Zara, estima que lors inspeccions de trabalh son “fòrça eficaças” per contrarotlar e melhorar las condicions de trabalh, e aquelas inspeccions an pas demostrat cap d’indici d’aquela situacion. Ça que la, an reconegut que i trabalhavan de refugiats sirians en situacion regulara.
Los jornalistas an parlat amb de representants de Marks and Spencer, qu'an refusat las acusacions e an dich que lo comèrci etic es fondamental per lor marca: ‘Totes los nòstres provesidors devon complir obligatòriament nòstras nòrmas d’aprovesiment”, çò a dich un pòrtavotz de la societat. Totun, l’emission Panorama a trobat sèt menors sirians que trabalhan dins las principalas usinas de l’entrepresa britanica amb un salari inferior a una liura per ora, expausats a de produches quimics sens cap de proteccion, e privats dels dreches basics dels trabalhadors.
L’enquèsta concernís tanben la distribuidoira en linha Asos. Dins aquel cas, Panorama a trobat onze refugiats sirians adultes e tres menors que i trabalhan. Segon un pòrtavotz d’Asos, la fabrica objècte de l’enquèsta es pas reconeguda per l’entrepresa, que s’es engatjada a pagar çò que caldrà perque los enfants tornen a l’escòla e per que los adultes ajan un salari digne fins al moment que trobaràn un emplec legal. “Aplicarem aquelas mesuras, e mai se qu’aquela fabrica a pas res a veire amb Asos”, çò a dich.
Una de las jornalistas de Panorama, Darragh MacIntyre, presenta las declaracions de desenats de trabalhadors sirians que parlan de salaris extrèmament basses e de las condicions de trabalh terriblas. “Sabon que son esplechats e i pòdon pas far res”, çò explica.
Segon l’enquèsta, los refugiats fan de jornadas de mai de dotze oras a far de vestits per Mango e Zara, expausats a de risques sanitaris. Segon Mango, l’usina èra jostrachada sens que n’aguèsson coneissença. De son costat, la societat Inditex, proprietària de Zara, estima que lors inspeccions de trabalh son “fòrça eficaças” per contrarotlar e melhorar las condicions de trabalh, e aquelas inspeccions an pas demostrat cap d’indici d’aquela situacion. Ça que la, an reconegut que i trabalhavan de refugiats sirians en situacion regulara.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Val mai quedar-se a Siria e lutar contra l'Imperi invasor e l'EI, que acabar vivin explotat dins fàbriques de la màfia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari