Actualitats
Seguida d’explosions contra la granda distribucion en Corsega
Una onda d’atemptats amb carga explosiva gangassèt Corsega la nuèch de dimenge a diluns. Almens set grandas superfícias son estadas tocadas.
Los establiments tocats son los ipermercats Leclerc de Bastia, d’Oletta, de San Ghjulianu e d’Aiacciu, l’ipermercat Géant Casino a Mezzavia, lo Leclerc Drive recentament dobèrt en la zòna industriala de Baleone e lo magazin Décathlon a Sarrula-Carcupinu.
A priòri, los degalhs son estats leugièrs e i a pas cap de ferit. Las cargas an visat las davanturas o las pòrtas.
La seccion C1 del parquet antiterrorista de París a pres los sieus dorsièrs. Fa qualques meses, de comunicats de l’FLNC avián amirat la granda distribucion.
_______
San Ghjulianu [San-Giuliano]
Sarrula-Carcupinu [Sarrola-Carcopino]
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo neoliberalisme e son biais irresistible d'esclafar tot çò qu'empacha los beneficis colossals d'un ponherat als despens de totes es una fòrma non explsiva de violéncia qu'es pas qualificada de terrorisme, mas qu'abausa fin finala totes los ligams socials fins al darrièr badalh. La violéncia del supermercats e pas jamai reivindicada, e pasmens, sabèm quals son los autors : lo FLNC : Front de Lobotomisacion Neoliberal Consumerista. E qual los sacarà en gàbia, aqueles bandolièrs ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari