Actualitats
L'illa de Santa Elena es a mand d’obrir son aeropòrt
Los insulars veson d’un bon uèlh la possibilitat d’evacuacions sanitàrias rapidas, atal coma lo raprochament dels centres universitaris continentals
Una proesa tecnica e economica
Santa Elena es un dels territòris mai isolats de la planeta. Situat dins lo sud de l’Ocean Atlantic, a 1850 km de las còstas africanas e a 3300 km de Brasil, aqueste territòri ultramarin britanic es fins ara religat a la rèsta del mond per via marina. Un trentenat de còps per an una nau postala fa lo viatge de 5 jorns del Cap (Africa del Sud) fins a Jamestown, la capitala de l’illa.
L’acabament d’un aeropòrt permetrà de metre Santa Elena a un jorn de viatge de la Granda Bretanha en fasent una escala en Gambia, çò qu’aurà de consequéncias enòrmas sus l’avenidor del territòri e de sos abitants. Aquestes veson d’un bon uèlh la possibilitat d’evacuacions sanitàrias rapidas, atal coma lo raprochament dels centres universitaris continentals per la joinessa de l’illa e l’arribada de toristas en mai grand nombre. Per contra, seràn atentius a las consequéncias que de viatges facilitats poirián entraïnar sus la bona santat de la demografia, de l’identitat insulara (4500 abitants) e del mitan natural.
Proesa d’engenhariá vertadièra e financièra (320 milions d’èuros), calguèt 4 ans del trabalh titanesc de 300 personas per bastir las pistas e l’aerogara sus un aut plan a l’èst de l’illa. Aprèp aver resolvut de nombrosas dificultats tecnicas, dimècres passat, l’estructura obtenguèt sa certificacion internacionala de seguretat, un preambul indispensable per la mesa en plaça de vòls regulars. Ara es pas encara decidit quina companhiá aeriana regulara esplecharà las linhas. L’aeropòrt començarà de foncionar sus la basa de vòls chartèrs amb la companhiá Atlantic Star Airlines creada especialament.
Santa Elena e França
Es evident que la dobertura de l’aeropòrt facilitarà la venguda d’una cèrta categoria de toristas franceses: los nostalgics de l’emperaire-dictator Napoleon que moriguèt sus l’illa en 1821, un an aprèp que los angleses çai l’aguèron deportat. Dempuèi aquela epòca, lo domeni ont visquèt Napoleon es proprietat francesa e benefícia de l’extraterritorialitat. França sèrva religiosament aquestas 14 ectaras. I mantenon en permanéncia un consul onorari que gerís los afars franceses de l’endrech, valent a dire lo sovenir e lo culte napoleonians. D’alhors per aquestes bons servicis foguèt recentament guierdonat de la legion d’onor pel ministèri francés dels afars estrangièrs en preséncia de la Princessa Napoleon, eiretièra imperiala.
TL
Santa Elena es un dels territòris mai isolats de la planeta. Situat dins lo sud de l’Ocean Atlantic, a 1850 km de las còstas africanas e a 3300 km de Brasil, aqueste territòri ultramarin britanic es fins ara religat a la rèsta del mond per via marina. Un trentenat de còps per an una nau postala fa lo viatge de 5 jorns del Cap (Africa del Sud) fins a Jamestown, la capitala de l’illa.
L’acabament d’un aeropòrt permetrà de metre Santa Elena a un jorn de viatge de la Granda Bretanha en fasent una escala en Gambia, çò qu’aurà de consequéncias enòrmas sus l’avenidor del territòri e de sos abitants. Aquestes veson d’un bon uèlh la possibilitat d’evacuacions sanitàrias rapidas, atal coma lo raprochament dels centres universitaris continentals per la joinessa de l’illa e l’arribada de toristas en mai grand nombre. Per contra, seràn atentius a las consequéncias que de viatges facilitats poirián entraïnar sus la bona santat de la demografia, de l’identitat insulara (4500 abitants) e del mitan natural.
Proesa d’engenhariá vertadièra e financièra (320 milions d’èuros), calguèt 4 ans del trabalh titanesc de 300 personas per bastir las pistas e l’aerogara sus un aut plan a l’èst de l’illa. Aprèp aver resolvut de nombrosas dificultats tecnicas, dimècres passat, l’estructura obtenguèt sa certificacion internacionala de seguretat, un preambul indispensable per la mesa en plaça de vòls regulars. Ara es pas encara decidit quina companhiá aeriana regulara esplecharà las linhas. L’aeropòrt començarà de foncionar sus la basa de vòls chartèrs amb la companhiá Atlantic Star Airlines creada especialament.
Santa Elena e França
Es evident que la dobertura de l’aeropòrt facilitarà la venguda d’una cèrta categoria de toristas franceses: los nostalgics de l’emperaire-dictator Napoleon que moriguèt sus l’illa en 1821, un an aprèp que los angleses çai l’aguèron deportat. Dempuèi aquela epòca, lo domeni ont visquèt Napoleon es proprietat francesa e benefícia de l’extraterritorialitat. França sèrva religiosament aquestas 14 ectaras. I mantenon en permanéncia un consul onorari que gerís los afars franceses de l’endrech, valent a dire lo sovenir e lo culte napoleonians. D’alhors per aquestes bons servicis foguèt recentament guierdonat de la legion d’onor pel ministèri francés dels afars estrangièrs en preséncia de la Princessa Napoleon, eiretièra imperiala.
TL
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Coma un illenc ieu compreni la besonh de aver aquestes mejans de transpòrt. Santa Elena es una illa pus isolada e dependenta de l'ajuda economica d'Inglaterra per çò.
#4 Oblidatz qu'es la quita populacion que l'a demandat, l'aeropòrt, pels joves que fan d'estudis, per aqueles qu'an besonh de se far suenhar dins d'espitals modèrnes e "puntuts", per desvolopar lo torisme. Seretz credible quand demandaretz la barradura dels aeroòrts d'Occitanie".
Los sant elenans an besonh d'un aeropòrt.
Es l'unfiformizacion generala, ont totes son condicionats per viure sul meteis modèl de consum. Ara, van cercar los darrièrs lòcs inacessibles, per nos quitar tot remembre d'una vida mai simple. E tot aquò per lo benifici màger de las grandas entrepresas de BTP, de petròli...
De la capitala de l'empèri (Londras) a Santa Elena, en avion, es ecologic lo volum de querosèn!
Naboleon o s'amerita? Penso ren. Quitament de Parissss a Saint Helen...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari