Actualitats
Un tèrratrem de 6,5 grases a fach trantalhar lo centre d’Itàlia
L’epicentre èra près del vilatge de Norcia, dins la província de Perosa. Arquata del Tronto, una de las comunas que mai patiguèt lo tèrratrem d’agost passat, se tròba solament a dètz e sèt quilomètres de l’epicentre
Lo centre d’Itàlia tornèt trantalhar ièr de matin. Un tèrratrem de 6,5 grases, segon l’Institut Italian de Geofisica (INGV), afectèt un airal al limit entre las regions de las Marcas e Ómbria. L’epicentre èra près del vilatge de Norcia, dins la província de Perosa. Arquata del Tronto, una de las comunas que mai patiguèt lo tèrratrem d’agost passat ont i moriguèron mai de 280 personas, se tròba solament a dètz e sèt quilomètres de l’epicentre.
Podètz veire, çai jos, l’enregistrament dels tèrratrems entre lo 24 d’agost e uèi:
De desenats de personas son estadas leugièrament nafradas, e per ara avèm d’informacions oficialas d’un ferit grèu. Totun, suls rets socials circulan d’imatges ont se pòt veire lo nivèl dels damatges. A Norcia, l’istorica basilica de Sant Beneset, e fòrça autras bastissas son estadas completament destruchas. Una granda part de la populacion demoravan dins ostals prefabricats, a causa dels tèrratems precedents.
Lo sisme a agut doas replicas. Una de 4,1 grases e una autra de 4,6. Òm cranh plusors movements sismics dins la zòna.
Podètz veire, çai jos, l’enregistrament dels tèrratrems entre lo 24 d’agost e uèi:
De desenats de personas son estadas leugièrament nafradas, e per ara avèm d’informacions oficialas d’un ferit grèu. Totun, suls rets socials circulan d’imatges ont se pòt veire lo nivèl dels damatges. A Norcia, l’istorica basilica de Sant Beneset, e fòrça autras bastissas son estadas completament destruchas. Una granda part de la populacion demoravan dins ostals prefabricats, a causa dels tèrratems precedents.
Lo sisme a agut doas replicas. Una de 4,1 grases e una autra de 4,6. Òm cranh plusors movements sismics dins la zòna.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari