Actualitats
Lo Partit per l'Independéncia d’Islàndia se proclama venceire de las eleccions generalas
La formacion centredrechista de Benediktsson atenguèt lo 29% dels vòtes e 21 deputats, e a l’intencion de formar un govèrn
Lo partit per l'Independéncia d’Islàndia s’es proclamat venceire de las eleccions generalas que se tenguèron la dimenjada passada, e a declarat son intencion de formar un govèrn. “Avèm lo taus de sosten pus grand, alavetz diriái qu'o ensajarem”, çò declarèt a Reuters lo cap del partit, Bjarni Benediktsson, abans de manifestar sa preferéncia de formar un govèrn amb una coalicion de tres partits, e mai se refusèt de parlar sus los eventuals partenaris de govèrn.
La formacion centredrechista de Benediktsson atenguèt lo 29% dels vòtes e 21 deputats. Lo Partit Independentista vòl manténer l’apertenéncia a l’OTAN, mas s’opausa fermament a l’intrada dins l'Union Europèa.
Lo movement Esquèrra Verda, en segonda posicion, amassèt lo 15,9% dels vòtes, çò que li dona dètz deputats; tres de mai qu’a las eleccions passadas.
Enfin, lo Partit Pirata a pas pogut complir las bonas previsions que li donavan los sondatges en tot obténer dètz deputats, sèt de mai qu’a las eleccions passadas, e lo 14,5% dels vòtes.
Lo Partit Progressista a enregistrat una casuda d’11 deputats. Demòra amb uèch sètis al Parlament, amb solament l’11,5% dels vòtes. Lo partit Regeneracion a obtengut sèt deputats (lo 10,5% dels vòtes) e Futur Brilhant, quatre (lo 7,2% dels vòtes).
La formacion centredrechista de Benediktsson atenguèt lo 29% dels vòtes e 21 deputats. Lo Partit Independentista vòl manténer l’apertenéncia a l’OTAN, mas s’opausa fermament a l’intrada dins l'Union Europèa.
Lo movement Esquèrra Verda, en segonda posicion, amassèt lo 15,9% dels vòtes, çò que li dona dètz deputats; tres de mai qu’a las eleccions passadas.
Enfin, lo Partit Pirata a pas pogut complir las bonas previsions que li donavan los sondatges en tot obténer dètz deputats, sèt de mai qu’a las eleccions passadas, e lo 14,5% dels vòtes.
Lo Partit Progressista a enregistrat una casuda d’11 deputats. Demòra amb uèch sètis al Parlament, amb solament l’11,5% dels vòtes. Lo partit Regeneracion a obtengut sèt deputats (lo 10,5% dels vòtes) e Futur Brilhant, quatre (lo 7,2% dels vòtes).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fan molt ben de voler ser pas de l'UE, mas la dreta es partidaria de l'OTAN e de l'explotacion dels pobles pels banquier.
Chès!
Un país ont lo nombre de deputats correspond al percentatge de voses!
Una democracia en qualque sòrta...
Pas coma la França plotocrata ont las leis electorals son faitas per que los dos mamots demòren en plaça en tot ejectar los mamotets.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari