Aquesta darrièra dimenjada tretzista d’octòbre se placèt jol signe dels tombats decisius, marcats per dos jogaires de tria, tant a Huddersfield coma a Carcassona.
E Shaun Johnson ensaca lo tombat de la victòria
Las 4 Nacions comencèron divendres per l’oposicion entre Austràlia e Escòcia sus l’estadi d’Hull. Los Cangorós l’emportèron aisidament 54-12.
La partida de dissabte a Huddersfield, ont demorava pas una plaça de liura, entre angleses e neozelandeses foguèt al contrari plan disputada. Los locals marquèron d’en primièr doas penalitats mas l’ensag de l’alièr Rapana, transformat per Jordan Kahu, balhava l’avantatge als Negres a la pausa: 6-4. Tre la represa, lo mesclanha Shaun Jonhson interceptava una passa anglesa e anava pausar la palma darrièr la linha aprèp 70 mètres de corsa: l’alièr Mac Gilvary replicava la 48a minuta e Widop transformava: 12-10 pels neozelandeses. L’alièr Rapana tornava marcar (56ena), mas Hall acabava una ataca anglesa darrièr la linha. Widop ajustava la transformacion del canton: 16-16. A la 65a, Shaun Johnson esperava pas lo cinquen tengut per ensajar e encapar lo tombat que fariá la diferéncia decisiva: victòria 17-16 pels Kiwis que prenon atal una opcion per la finala del dimenge 20 de novembre a Liverpool.
Segonda jornada dissabte amb las 2 partidas sus l’estadi de Coventry: Anglatèrra-Escòcia e Austràlia-Nòva Zelanda (de seguir sus BeInSport).
Dins los torneges qualificatius per la Copa del Mond de 2017, l’Irlanda (sens pietat per Russia: 70-12 ) e Galas (victòria justeta sus Itàlia: 20-14) se qualifican per la competicion. Darrièra plaça europèa en jòc amb lo barratge Itàlia-Russia aqueste divendres 4 de novembre a Leigh.
Lo tombat de Maxime Gressèque regaudís Carcassona
En Elèit 1, la jornada de dissabte foguèt favorabla a las formacions que se desplaçavan: victòria dels U23 Catalans a Tolosa: 50-22, de Lesinhan a Albi: 22-10 e d’Avinhon a Vilanòva: 12-8.
Dimenge, Palau coneguèt gaire de dificultat per distanciar 32-8 los Orses de Sent Gaudenç.
Tota autra foguèt l’oposicion entre Carcassona e Limós a Domèc. Alexis Escamilla dobrissiá la marca pels Canaris (6a). A la 21a minuta, Gressèque tustava a seguir per el meteis e puntava l’ensag qu’Akim Miloudi transformava. Los limosencs respondián amb un ensag en fòrça del davant Yesa, mas Sobeiràs tornava marcar sus l’autra ala e Herrero encapava la transformacion e, tanben, una penalitat abans la còrna de la pausa: 18-6 pels locals. Mas, a la represa, los Roge e Negre traucavan dos còps la defensa palficada de Ciutat: Barbaza (44a) e Amine Miloudi (46a; bon, cal saupre que los dos fraires Miloudi èran sus la pelena: l’un coma arrièr de Carcassona e l’autre coma arrièr de Limós). Amb las transformacions, Limós tornava a nautor a 18-18, puèi passava davant amb una penalitat, mas Akim Miloudi marcava per Carcassona. Limós replicava dos còps de seguida (65a e 68a) pel mesclanha Alan Toreilles: amb las transformacions, Limós menava 32-24. Akim Miloudi tornava marcar (71a) un ensag que Maxime Gressèque transformava abans d’entornar las doas esquipas a egalitat 32-32 (penalitat, a la 74a). Cardiacs s’absténer: a la 78a, lo meteis Maxime Gressèque mandava la palma del tombat entre los pals e balhava la victòria als locals: 33-32!!!
Lo XIII es magic! (croniqueta occitana, in XIII-Magazine d’octobre de 2016)
“La sason d’Elèit 1 s’es dobèrta en aquesta fin de setembre a Brutus per una brava Dimenjada Magica.
La Dimenjada Magica (en francés: lo Magic Week-end), aquò es una idèa de primièra de la Superliga: recampar sus dos jorns, dins lo meteis estadi, totas las esquipas en competicion per una granda fèsta del jòc e lo rescontre convivial de totes los afogats. Aprèp… se se veson causas supèrbas sus la pelena, a la fin de las fins, la magia ten un gost amar per las formacions batudas. Atal, ongan, pels Dragons catalans, la Dimenjada Magica virèt a la Dimenjada Malefica.
La Dimenjada magica, en tèrra catalana, a permés de passar en revista las dètz formacions que van córrer darrèr lo bloquièr del Max-Rousié. Èra solament la debuta de la magia annala: lo Campionat e, de còps, la palma s’escapèt de las mans dels jogaires coma un conilh que sauta del capèl d’un magician.
Mas cal pas faire las causas a mièjas: per nosautres, una Dimenjada Magica es pas pro, volèm de magia tot lo temps. Magia dins los moviments ofensius, magia dels gèstes per passar la palma, magia del pè del tustaire per enquilhar los pals, magia del planchòt que marca la victòria de ton esquipa, magia de las estrategias elaboradas pels entraïnaires, magia dels còps de beure a l’estanquet a la fin de la partida, magia dels sòmis dels rescontres a venir...”
Alan Roch
E Shaun Johnson ensaca lo tombat de la victòria
Las 4 Nacions comencèron divendres per l’oposicion entre Austràlia e Escòcia sus l’estadi d’Hull. Los Cangorós l’emportèron aisidament 54-12.
La partida de dissabte a Huddersfield, ont demorava pas una plaça de liura, entre angleses e neozelandeses foguèt al contrari plan disputada. Los locals marquèron d’en primièr doas penalitats mas l’ensag de l’alièr Rapana, transformat per Jordan Kahu, balhava l’avantatge als Negres a la pausa: 6-4. Tre la represa, lo mesclanha Shaun Jonhson interceptava una passa anglesa e anava pausar la palma darrièr la linha aprèp 70 mètres de corsa: l’alièr Mac Gilvary replicava la 48a minuta e Widop transformava: 12-10 pels neozelandeses. L’alièr Rapana tornava marcar (56ena), mas Hall acabava una ataca anglesa darrièr la linha. Widop ajustava la transformacion del canton: 16-16. A la 65a, Shaun Johnson esperava pas lo cinquen tengut per ensajar e encapar lo tombat que fariá la diferéncia decisiva: victòria 17-16 pels Kiwis que prenon atal una opcion per la finala del dimenge 20 de novembre a Liverpool.
Segonda jornada dissabte amb las 2 partidas sus l’estadi de Coventry: Anglatèrra-Escòcia e Austràlia-Nòva Zelanda (de seguir sus BeInSport).
Dins los torneges qualificatius per la Copa del Mond de 2017, l’Irlanda (sens pietat per Russia: 70-12 ) e Galas (victòria justeta sus Itàlia: 20-14) se qualifican per la competicion. Darrièra plaça europèa en jòc amb lo barratge Itàlia-Russia aqueste divendres 4 de novembre a Leigh.
Lo tombat de Maxime Gressèque regaudís Carcassona
En Elèit 1, la jornada de dissabte foguèt favorabla a las formacions que se desplaçavan: victòria dels U23 Catalans a Tolosa: 50-22, de Lesinhan a Albi: 22-10 e d’Avinhon a Vilanòva: 12-8.
Dimenge, Palau coneguèt gaire de dificultat per distanciar 32-8 los Orses de Sent Gaudenç.
Tota autra foguèt l’oposicion entre Carcassona e Limós a Domèc. Alexis Escamilla dobrissiá la marca pels Canaris (6a). A la 21a minuta, Gressèque tustava a seguir per el meteis e puntava l’ensag qu’Akim Miloudi transformava. Los limosencs respondián amb un ensag en fòrça del davant Yesa, mas Sobeiràs tornava marcar sus l’autra ala e Herrero encapava la transformacion e, tanben, una penalitat abans la còrna de la pausa: 18-6 pels locals. Mas, a la represa, los Roge e Negre traucavan dos còps la defensa palficada de Ciutat: Barbaza (44a) e Amine Miloudi (46a; bon, cal saupre que los dos fraires Miloudi èran sus la pelena: l’un coma arrièr de Carcassona e l’autre coma arrièr de Limós). Amb las transformacions, Limós tornava a nautor a 18-18, puèi passava davant amb una penalitat, mas Akim Miloudi marcava per Carcassona. Limós replicava dos còps de seguida (65a e 68a) pel mesclanha Alan Toreilles: amb las transformacions, Limós menava 32-24. Akim Miloudi tornava marcar (71a) un ensag que Maxime Gressèque transformava abans d’entornar las doas esquipas a egalitat 32-32 (penalitat, a la 74a). Cardiacs s’absténer: a la 78a, lo meteis Maxime Gressèque mandava la palma del tombat entre los pals e balhava la victòria als locals: 33-32!!!
Lo XIII es magic! (croniqueta occitana, in XIII-Magazine d’octobre de 2016)
“La sason d’Elèit 1 s’es dobèrta en aquesta fin de setembre a Brutus per una brava Dimenjada Magica.
La Dimenjada Magica (en francés: lo Magic Week-end), aquò es una idèa de primièra de la Superliga: recampar sus dos jorns, dins lo meteis estadi, totas las esquipas en competicion per una granda fèsta del jòc e lo rescontre convivial de totes los afogats. Aprèp… se se veson causas supèrbas sus la pelena, a la fin de las fins, la magia ten un gost amar per las formacions batudas. Atal, ongan, pels Dragons catalans, la Dimenjada Magica virèt a la Dimenjada Malefica.
La Dimenjada magica, en tèrra catalana, a permés de passar en revista las dètz formacions que van córrer darrèr lo bloquièr del Max-Rousié. Èra solament la debuta de la magia annala: lo Campionat e, de còps, la palma s’escapèt de las mans dels jogaires coma un conilh que sauta del capèl d’un magician.
Mas cal pas faire las causas a mièjas: per nosautres, una Dimenjada Magica es pas pro, volèm de magia tot lo temps. Magia dins los moviments ofensius, magia dels gèstes per passar la palma, magia del pè del tustaire per enquilhar los pals, magia del planchòt que marca la victòria de ton esquipa, magia de las estrategias elaboradas pels entraïnaires, magia dels còps de beure a l’estanquet a la fin de la partida, magia dels sòmis dels rescontres a venir...”
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo president de la Federacion, Marc Palanques, es lo convidat de Radio-Marseillette aqueste divendres 4 de novembre, de 6 a 7 oras del vèspre : www.marseillettefm.com
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari