Lo parlament britanic aprovèt ièr diluns una mocion presentada per un deputat galés, intranquil perque la constitucion espanhòla empedís al pòble catalan lo drech de decidir.
Lo deputat del parlament britanic Hywel Williams, del partit galés Plaid Cymru, presentèt diluns passat al ser una mocion al Parlament de Westminster. Lo tèxt exprimís la preocupacion perque l’actuala constitucion espanhòla “permet pas l’independéncia d’una partida del territòri ni l’organizacion d’un referendum que permetriá lo pòble de Catalonha decidir democraticament la situacion de la siá nacion”.
Lo tèxt, que se publicarà pendent lo jorn de uèi dins lo bulletin oficial de Westmnister, felicita los catalans e assegura que i aurà una “manifestacion massiva a Barcelona jos l’unic eslogan de “Catalonha, lo pròche Estat d’Euròpa”. La mocion soslinha lo sosten a l’independéncia e als “mecanismes democratics e pacifics”‘ que s’adòptan per capitar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fin finala, soi pas pus segur d'anar envasir Englatèrra, se comença de respectar los pòbles. M'anarai mailèu envesir França e Castilha…
V'aquí una mòstra de solidaritat internacionala que cal mercejar. Es un simple afar de democracia e respècte als dreches umans que, malastrosament, en plen sègle XXI, es pas contemplat encara per qualques estats europèus…
En Bretanha Grana, ne con•honen pas Estat e nacion, au contra de çò qui's passa suu continent.
Un Estat, quate nacions; e se ua d'aqueras nacions e's vòu separar de las autas, tà franc díser de la màger, Anglatèrra, qu'ei un problèma, mes n'ei pas un crimi.
Tot lo mau, suu continent, que vien de la confusion enter Estat e nacion, que sia dens lo cas deu modèle francés de nacion (on l'Estat e hè la nacion per assimilacion de las periferias), o deu modèle alemand (on la nacion e hè l'Estat per unificacion de territòris divèrs).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari