Actualitats
Lo nombre de migrants e refugiats mòrts en mar ongan avesina los 4000
Segon lo darrièr bilanç de l’OIM, 3940 personas son mòrtas negadas dins la mar mentre qu’ensajavan d’anar devèrs Euròpa
Gaireben 4000 personas son mòrtas negadas en Mediterranèa ongan mentre qu’ensajavan d’arribar en Euròpa, segon de donadas de l’Organizacion Internacionala per las Migracions (OIM).
Segon lo darrièr bilanç de l’Organizacion Internacionala per las Migracions (OIM), mes a jorn lo 30 d’octòbre passat, 3940 personas son mòrtas negadas dins la mar mentre qu’ensajavan anar devèrs Euròpa. Aquela donada despassa la d’arunan: durant tot l’an 2015 moriguèron aperaquí 3700 migrants e refugiats dins las meteissas circonstàncias.
En mai d’aquò, segon lo rapòrt de l’OIM, fins al 30 d’octòbre son arribats en Euròpa per via maritima un total de 333 384 migrants, sustot en Itàlia e Grècia: 169 706 personas en territòri grèc e 158 205 en territòri italian. Segon aquelas donadas, en Itàlia serián arribats un 13% de mai de migrants e refugiats qu’arunan.
Per contra, lo nombre total de migrants arribats en Euròpa durant 2016 es de 333 384 personas, un nombre fòrça inferior a las 728 926 d’arunan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
d'una man sorti lo mocador per plorar totas aqueles paures morts e de l'autra fau lo signe de la crotz de pentiment (repentença), en estent que vai sensa dire, mes vai encar' mielhs en lo diguent, ei nautres lei gavats d 'occident que fretam de veissèus per lei sauvar que siam copables de tot e avèm de se ne pentir- e per o far ben,una bona adreça, anatz au quartier marselhés de Menpenti
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari