Lo 14 de novembre que ven, se poirà veire la luna plena pus granda de las darrièras 70 annadas. Aquel fenomèn se nomena "superluna" e se ten quan lo satellit se tròba al ser al perigèu, es a dire a la distància mai corta amb la Tèrra. Foguèt en 1948 que se vegèt pel darrièr còp la Luna talament pròcha e brilhanta. Segon los scientifics de la NASA, s’agís d’un dels fenomèns mai importants de l'an al nivèl meteorologic e se poirà pas tornar veire fins al 25 de novembre del 2034.
 
Aquò aurà d'efièches sus la Tèrra, mai que mai sus las marèas, que sián las nautas o las bassas: la Luna al perigèu aumentarà lor fòrça.
 
Se volèm observar e fotografiar la Luna vista amb sa talha maximala, cal profechar del moment de sa sortida o de son tremont. L'atmosfèra qu'envolopa la Tèrra produtz un efièch estonant que fa veire los objèctes mai grands.
 
Se t'agrada de far de fòtos, manda-nos tos imatges a la redaccion de Jornalet e diga-nos a quin endrech as presa la fòto. Publicarem las fòtos mai polidas d'aquela luna.