Tolon, Eivissa, Venècia, Palèrme, Malaga, Bastia o Aiacciu seràn adara ligadas a la capitala gascona, per tarius pro baishs (a comptar de 29€). La daubertura d'aqueras ligasons se harà d'un biais escalonat, entre lo 25 d'abriu (linha de Palèrme) e lo purmèir d'agost. Seràn utilizats Boeing 717, de 125 sètis.

 

Aqueras navèras linhas desenvelopan encara la part de Low Cost en l'aufèrta globala de l'aeropòrt de Merinhac. Lo pes important d'aqueste biais de viatjar es adara de bon véder dens lo quite amainatjament de l'aeropòrt, qu'un terminau de depart i es consagrat (lo denominat Billi). Participa dens una bona proporcion a l'espandiment de contunh deu trafic aerian quand la crisi economica e la pujada deu prètz deu petròli poirén har créder a la possibilitat d'un recul (creishéncia de 5,1% deu transpòrt aerian mondiau en 2011, e l'aeropòrt de Merinhac passèt en 2011 los quate milions de passatgèirs).

 

Pèir-Joan Masdiset