Actualitats
Lo partit pròcurd qualifica de “còp d'estat” la detencion de 12 de sos deputats en Turquia
Demest los arrestats i a los dos caps de l’HDP. Lo ministèri public e lo govèrn dison que las detencions fan partida d'una operacion “antiterrorista”. L'opausant CHP critica las arrestacions
Dotze deputats del Partit Democratic dels Pòbles (HDP) foguèron detenguts divendres passat dins l’encastre d’una operacion de las fòrças de seguretat turcas, dont los dos caps de la formacion esquerrista: Selahattin Demirtaş e Figen Yüksekdağ. Lo partit a qualificat las detencions de “còp d'Estat” en apelant a l'immunitat que la Constitucion turca garentís als deputats.
Ça que la, lo mes de mai passat, al marge de çò que ditz la Constitucion, lo Parlament turc aprovèt de levar l'immunitat de 138 deputats, dont los de l’HDP.
S’agís de las detencions de mai naut nivèl politic que se debanan après lo còp d'estat mancat de julhet. La setmana passada, foguèron estats arrestats los dos cònsols d’Amed (Diyarbakır) —principala vila del Curdistan del Nòrd—, Gültan Kışanak e Fırat Anlı. Son estats tanben barrats divèrses mèdias, tant en lenga curda coma turca.
Demest los detenguts i a tanben Sırrı Süreyya Önder, un dels deputats de l’HDP qu'a participat mai activament e qu'a fach lo mediator dins las convèrsas de patz —ara anulladas— entre lo govèrn turc e Abdullah Öcalan, lo cap empresonat del PKK.
Aquesta fiulada sus Twitter de l’HDP compren pas la detencion del dotzen deputat, Imam Tasçier.
Segon çò que rapòrta lo jornal Hürriyet en mençonant de fonts del ministèri public d’Amed, las detencions se son fachas dins l’encastre d'una enquèsta qu'acusa los deputats de "terrorisme" e de far "propaganda" en favor del Partit dels Trabalhadors de Curdistan (PKK), l'organizacion politicomilitara curda que dempuèi los ans 1980 ten un conflicte armat contra l'estat turc.
L’HDP refusa aquelas acusacions.
Qualques deputats del principal partit de l'oposicion turc, lo CHP (kemalista laic), an dich tanben que las detencions son un "còp d'estat".
Lo cap del partit, Kemal Kılıçdaroğlu, pensa que Turquia marcha devèrs una "direccion perilhosa".
Dempuèi lo còp d'estat de julhet, lo CHP aviá sarrat los rangs amb l’AKP d’Erdoğan tocant lo besonh de garentir la seguretat del sistèma actual en vigor en Turquia e d'atacar los perilhs que, segon los dos grands partits turcs, menaçan lo país.
Mas a partir del mes passat lo CHP comencèt tornarmai a levar lo ton contra Erdoğan, que l’acusa a el de voler implantar "un califat". Lo partit kemalista s'opausa a la volontat de Erdoğan d’aplicar en Turquia un sistèma presidencialista ont lo cap de l’AKP amolonariá encara mai de poder.
Aquesta nòva es adaptada de Nationalia amb qui Jornalet a un acòrdi de cooperacion.
Ça que la, lo mes de mai passat, al marge de çò que ditz la Constitucion, lo Parlament turc aprovèt de levar l'immunitat de 138 deputats, dont los de l’HDP.
S’agís de las detencions de mai naut nivèl politic que se debanan après lo còp d'estat mancat de julhet. La setmana passada, foguèron estats arrestats los dos cònsols d’Amed (Diyarbakır) —principala vila del Curdistan del Nòrd—, Gültan Kışanak e Fırat Anlı. Son estats tanben barrats divèrses mèdias, tant en lenga curda coma turca.
Demest los detenguts i a tanben Sırrı Süreyya Önder, un dels deputats de l’HDP qu'a participat mai activament e qu'a fach lo mediator dins las convèrsas de patz —ara anulladas— entre lo govèrn turc e Abdullah Öcalan, lo cap empresonat del PKK.
A total of 11 #HDP MPs, including co-chairs, have been detained up to now. pic.twitter.com/lbaJ3QAdBN
— HDP English (@HDPenglish) 4 de novembre de 2016
Aquesta fiulada sus Twitter de l’HDP compren pas la detencion del dotzen deputat, Imam Tasçier.
Segon çò que rapòrta lo jornal Hürriyet en mençonant de fonts del ministèri public d’Amed, las detencions se son fachas dins l’encastre d'una enquèsta qu'acusa los deputats de "terrorisme" e de far "propaganda" en favor del Partit dels Trabalhadors de Curdistan (PKK), l'organizacion politicomilitara curda que dempuèi los ans 1980 ten un conflicte armat contra l'estat turc.
L’HDP refusa aquelas acusacions.
Qualques deputats del principal partit de l'oposicion turc, lo CHP (kemalista laic), an dich tanben que las detencions son un "còp d'estat".
Lo cap del partit, Kemal Kılıçdaroğlu, pensa que Turquia marcha devèrs una "direccion perilhosa".
Dempuèi lo còp d'estat de julhet, lo CHP aviá sarrat los rangs amb l’AKP d’Erdoğan tocant lo besonh de garentir la seguretat del sistèma actual en vigor en Turquia e d'atacar los perilhs que, segon los dos grands partits turcs, menaçan lo país.
Mas a partir del mes passat lo CHP comencèt tornarmai a levar lo ton contra Erdoğan, que l’acusa a el de voler implantar "un califat". Lo partit kemalista s'opausa a la volontat de Erdoğan d’aplicar en Turquia un sistèma presidencialista ont lo cap de l’AKP amolonariá encara mai de poder.
Aquesta nòva es adaptada de Nationalia amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es atal, l'otan, l'imperi del mal, la dreta folha....Merda!
Ernèst, pensi coma tu. Turquia es un Estat terrorista e genocida.
Aqueste estat Turc, si qu'es terrorista, ja qu'ensaja de regnar per la terror.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari