Actualitats
Despartida de Jan-Marc Courbet, èx-baile del Felibritge e grand occitanista
Èra ben conegut a Bolena coma lo responsable del Centre de Documentacion Provençal e coma grand defensor de la lenga occitana. En junh passat presentèt sa traduccion de poèmas de Tagore
Jan-Marc Courbet, èx-baile del Felibritge e grand occitanista, nos quitèt aquesta dimenjada passada a l’edat de 69 ans. Èra ben conegut a Bolena (Comtat Venaicin) coma lo responsable del Centre de Documentacion Provençal e coma grand defensor de la lenga occitana. En junh passat presentèt sa darrièra òbra, de poèmas de Rabindranath Tagore traduches en occitan de Provença. Sas funeralhas se tenon uèi a 14h30 a la collegiala Sant Martin de Bolena.
Nasquèt a Camaret d’Egues (Comtat Venaicin) en 1947 e dins sa vida professionala foguèt tecnician superior sul sit nuclear de Marcola. Coma militant de la lenga, foguèt nomenat Majorau dau Felibrige en 1999, e tenguèt la foncion de Baile dau Felibrige entre los ans 2006 e 2012. Lo Centre de Documentacion Provençal de Bolena, lo creèt fa mai de trenta ans amb l’associacion Parlaren [Parlarem, en grafia classica].
La FÈLCO a plangut especialament la despartida de Courbet. “Jan-Marc es estat un amic vertadièr, un òme d'una gentilesa, d'una umanitat, d'una dobertura non parièras. L'avèm vist luchar contra lo mal amb un coratge e una determinacion incresables, totjorn plen de projèctes. Se passava pas un mes sens que nos sonèsse per parlar de nòstre combat comun per la lenga. El qu'èra un dels rars non-ensenhaires del movement d'òc, èra totjorn interessat per las questions d'ensenhament”, çò ditz un comunicat de la Federacion dels ensenhaires d’occitan.
De legir sul blòg occitan de France 3: Jean-Marc Courbet se n'es anat.
Nasquèt a Camaret d’Egues (Comtat Venaicin) en 1947 e dins sa vida professionala foguèt tecnician superior sul sit nuclear de Marcola. Coma militant de la lenga, foguèt nomenat Majorau dau Felibrige en 1999, e tenguèt la foncion de Baile dau Felibrige entre los ans 2006 e 2012. Lo Centre de Documentacion Provençal de Bolena, lo creèt fa mai de trenta ans amb l’associacion Parlaren [Parlarem, en grafia classica].
La FÈLCO a plangut especialament la despartida de Courbet. “Jan-Marc es estat un amic vertadièr, un òme d'una gentilesa, d'una umanitat, d'una dobertura non parièras. L'avèm vist luchar contra lo mal amb un coratge e una determinacion incresables, totjorn plen de projèctes. Se passava pas un mes sens que nos sonèsse per parlar de nòstre combat comun per la lenga. El qu'èra un dels rars non-ensenhaires del movement d'òc, èra totjorn interessat per las questions d'ensenhament”, çò ditz un comunicat de la Federacion dels ensenhaires d’occitan.
De legir sul blòg occitan de France 3: Jean-Marc Courbet se n'es anat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una gran pèrdua per la Provença i tot Occitània. Presenti el meu condol a la seua gent i als seus amics.
Torno de sas obsèquias a Bolèna, segùas per de centenas de personas. Gardo d'eu, e d'autres occitanistas amb ieu, lo record d'un ome umanament simpatic, dubèrt a totas las collaboracions dins l'accion per la lenga, per exemple las manifestacions unitàrias d'Anem oc. Un ome coratjos, tanben dins sa lonja locha contra la malatia.
Una granda perda, efectivament. Justament, uèi, ai trobat dins ma boita dei letras lo darrier n° de la revista dau Felibritge, qu'èra en granda part son òbra.
Devèm sobretot saludar son trabalh, per la quantitat coma per la qualitat, e per l'esperit de dubertura que mostrèt totjorn.
Adieu l'amic!
Sabi que i a doas grafias principalas per escriure l'occitan: la grafia clasica o alibertina e la grafia mistralenca o felibrenca. Ça que la, se revira pas l'occitan en provençal, que son la meteissa lenga.
Ma condolença per la mòrt d'un occitanista. Jan nos a daissat, mas son òbra es amb nosautres per totjorn.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari