Per dusau  viatge,  era òbra de teatre en aranés e damb sosbtítols en catalan Qui mane ací? torne ath gran public de Barcelona. Era representacion aurà lòc es pròplèus dies 13 e 14 de seteme en La Farinera del Clot damb un prètz de 8 èuros a cargue dera companhia  Persones d’Aran entà Toti. Era òbra compde damb era collaboracion deth Conselh Generau d’Aran e Torisme Val d’Aran.

Era òbra Qui mane ací?, escrita e dirigida per Pax Dettoni, ei definida coma òbra de Teatre de Consciéncia que convide ara reflexion sus era nòsta libertat ara ora de préner decisions ena nòsta vida. S’agís d'un espectacle teatrau qu’en clau d'umor convide ar espectador a ua reflexion personau e collectiva sus es nòstes responsabilitats damb nosati madeishi e damb era societat que vivim.
 
Ena òbra era autora se qüestione concèptes coma: “qui mane en nosati?; e mane eth nòste estat emocionau, es nòsti judicis o prejudicis, es nòsti desirs corporaus o eth nòste èster vertadèr? Èm realments propietaris des nòstes vides?”.
 
Segontes Dettoni, “eth Teatre dera consciéncia a coma finalitat desvelhar era reflexion en espectador, entà qu’aguest pense enes sues emocions e enes sòns comportaments. Aguest ei un insturment pedagogic especiauments dessenhat entàs collègis e entàs adults, que t'ajude a perfeccionar era intelligéncia emocionau. Te permet gestionar es tues emocions”.
 
Es origines dera companhia se remonten a 2010, a trauèrs dera iniciativa de premanir ua òbra de teatre entà finalizar es talhèrs de teatre en aranés que s'auien realizat pendent mai, junh e agost de 2010 jos eth finançament deth Conselh Generau d’Aran.




CGA