Actualitats
An presentat Meteoaran, lo Servici Meteorologic d’Aran
S’agís d’un servici public que se met en marcha en aplicant la darrièra Lei d’Aran
Ven de se presentar Meteoaran, lo servici meteorologic de la Val d’Aran. S’agís d’un servici public que se met en marcha per aplicar la darrièra Lei d’Aran qu’establís que lo Conselh General d’Aran exercís sas competéncias per la proteccion e la gestion de l’environament.
“En aguesti darrèri ans es errades damb era prediccion meteorologica, sustot es dimenjades, an representat pèrtes economiques plan importantes entà Aran”, çò assolidèt lo sindic d’Aran Carlos Barrera, durant l’acte de presentacion del servici. Barrera soslinhèt l’importància de l’informacion meteorologica pel torisme, qu’es lo motor economic del país de cap de Garona. “Aguest hèt ei eth qu’a motivat qu’eth Conselh Generau d’Aran crèe eth Servici Meteorologic Meteoaran entà sajar de garantir un major grad d’encèrt e de qualitat ena prediccion climatologica que pren totau importància en iuèrn e que tanben serà presenta ena rèsta des mesi der an. Aguest servici de prediccion meteorologica completarà ath dejà existent de prevision de risqui naturaus e de lauegi qu’en aguesti darrèri ans s’a convertit en un referent”, çò diguèt.
TV3 se deu servir de Meteoaran
En mai d’aquò, lo sindic raportèt las negociacions qu’aviá fachas amb Television de Catalonha per que las informacions meterologicas dels mèdias publics catalans se serviguèsson de Meteoaran quand se parla del temps d’Aran. En mai d’aquò, Barrera revendiquèt que “quan se parle d’Aran, [s’utilizesse] era sua denominacion de país: Aran o Val d’Aran, en substitucion de d’autes definicions d’emplaçament coma versant nòrd deth Pirenèu o d’autes utilizades soent”.
De previsions de 3 a 5 jorns
De son costat, lo responsable de Meteroaran, Àlex Sirat, soslinhèt qu’“eth servici de meteorologia d’Aran aufrirà previsions de 3 dies e enes sasons des hèstes de Nadau e pònts hestèrs ampliat a 5 dies. Tota aguesta informacion se poderà consultar a trauès dera pagina web deth Conselh Generau d’Aran, de Torisme Val d’Aran e dera pròpria de Meteoaran. Toti es qu’ac desiren poderàn imprimir eth grafic entà facilitar-lo coma informacion enes panèus des otèls, comèrci, restaurants e d’auti establiments dera Val d’Aran.”
Un referent
La presentacion s’acabèt amb l’intervencion de la conselhièra de Torisme e Desvolopament Economic d’Aran, Anna Díaz, que manifestèt qu’èra convencuda “que Meteoaran anarà guanhant credibilitat e prestigi damb eth dia a dia e s’acabarà consolidant coma eth referent entà consultar es previsions climatologiques deth nòste país”.
“En aguesti darrèri ans es errades damb era prediccion meteorologica, sustot es dimenjades, an representat pèrtes economiques plan importantes entà Aran”, çò assolidèt lo sindic d’Aran Carlos Barrera, durant l’acte de presentacion del servici. Barrera soslinhèt l’importància de l’informacion meteorologica pel torisme, qu’es lo motor economic del país de cap de Garona. “Aguest hèt ei eth qu’a motivat qu’eth Conselh Generau d’Aran crèe eth Servici Meteorologic Meteoaran entà sajar de garantir un major grad d’encèrt e de qualitat ena prediccion climatologica que pren totau importància en iuèrn e que tanben serà presenta ena rèsta des mesi der an. Aguest servici de prediccion meteorologica completarà ath dejà existent de prevision de risqui naturaus e de lauegi qu’en aguesti darrèri ans s’a convertit en un referent”, çò diguèt.
TV3 se deu servir de Meteoaran
En mai d’aquò, lo sindic raportèt las negociacions qu’aviá fachas amb Television de Catalonha per que las informacions meterologicas dels mèdias publics catalans se serviguèsson de Meteoaran quand se parla del temps d’Aran. En mai d’aquò, Barrera revendiquèt que “quan se parle d’Aran, [s’utilizesse] era sua denominacion de país: Aran o Val d’Aran, en substitucion de d’autes definicions d’emplaçament coma versant nòrd deth Pirenèu o d’autes utilizades soent”.
De previsions de 3 a 5 jorns
De son costat, lo responsable de Meteroaran, Àlex Sirat, soslinhèt qu’“eth servici de meteorologia d’Aran aufrirà previsions de 3 dies e enes sasons des hèstes de Nadau e pònts hestèrs ampliat a 5 dies. Tota aguesta informacion se poderà consultar a trauès dera pagina web deth Conselh Generau d’Aran, de Torisme Val d’Aran e dera pròpria de Meteoaran. Toti es qu’ac desiren poderàn imprimir eth grafic entà facilitar-lo coma informacion enes panèus des otèls, comèrci, restaurants e d’auti establiments dera Val d’Aran.”
Un referent
La presentacion s’acabèt amb l’intervencion de la conselhièra de Torisme e Desvolopament Economic d’Aran, Anna Díaz, que manifestèt qu’èra convencuda “que Meteoaran anarà guanhant credibilitat e prestigi damb eth dia a dia e s’acabarà consolidant coma eth referent entà consultar es previsions climatologiques deth nòste país”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari