Actualitats
Lo govèrn colombian e las FARC anóncian la signatura d’un nòu acòrdi de patz
Lo nòu acòrdi compren de proposicions dels partisans del “non” al referendum per la patz d’octòbre. Se sap pas encara cossí se ratificarà aquel nòu acòrdi
Las delegacions del govèrn colombian e de la guerrilha de las Fòrças Armadas Revolucionàrias de Colómbia (FARC) an anonciat aqueste dissabte passat la signatura d’un nòu acòrdi de patz, dins una conferéncia de premsa ont an detalhat lo nòu text.
L’”Acòrdi general per la fin del conflicte” compren qualques unas de las proposicions presentadas per diferents sectors, quitament las dels caps dels movements e partits que sostenguèron lo “non” pendent lo referendum del 2 d’octòbre.
Segon lo govèrn e la guerrilha, lo tèxt precisa qualques dobtes, incorpora de proposicions dels sectors contraris al primièr acòrdi e es fruch d’un trabalh intens.
“Lo govèrn e las FARC, en recebent la clamor de patz del país, son arribats a un nòu acòrdi per acabar lo conflicte […] La consolidacion de la patz establa e perdurabla deu èsser l’engatjament de totes los colombians, en superant la polarizacion”, çò anoncièt lo mediator de Cuba, Iván Araba, abans de donar la paraula als pòrtavoses de las doas partidas de las negociacions.
“Sus l’acòrdi del 26 de setembre passat, diguèri qu’èra lo melhor acòrdi possible, pr’amor que permetiá de conclure lo conflicte, mas aqueste es melhor, pr’amor que respond a fòrça criticas e insatisfaccions del tèxt precedent”, çò assegurèt lo cap de la còla negociatritz del govèrn colombian, Humberto de la Calle.
“Es estada una oportunitat per esclarzir de dobtes e resòlver d’inquietuds, a servit a unir los colombians, s’es demostrat qu’a travèrs del dialòg es possible d’arribar a de ponches comuns”, çò concluguèt.
Lo naut responsable de las FARC, Iván Márquez, assegurèt que lo nòu acòrdi de patz es lo definitiu. “La patz seguís sa marcha inarrestabla”, çò declarèt Márquez.
“Avèm realizat lo melhor esfòrç per respondre als desirs de patz, e capinauts avèm reüssit. Lo sol camin que l’espèra lo nòu acòrdi es son aplicacion per bastir las basas d’una Colómbia en patz”, çò precisèt.
Lo negociator de las FARC a explicat que la desbranda del referendum significava pas un refús de l’acòrdi, mas una crida a son melhorament. “Comprenguèrem l’importància de lo reformular amb un nòu consens qu’incorporèsse de voses qu’èran estadas absentas dins las convèrsas qu’an lor ròtle dins la reconciliacion”, çò expliquèt Márquez.
Pendent son intervencion, Márquez convidèt l’Armada de Liberacion Nacionala (ELN), l’autre granda grop guerrilhièr qu’opèra en Colómbia, a participar a l’acòrdi.
L’”Acòrdi general per la fin del conflicte” compren qualques unas de las proposicions presentadas per diferents sectors, quitament las dels caps dels movements e partits que sostenguèron lo “non” pendent lo referendum del 2 d’octòbre.
Segon lo govèrn e la guerrilha, lo tèxt precisa qualques dobtes, incorpora de proposicions dels sectors contraris al primièr acòrdi e es fruch d’un trabalh intens.
“Lo govèrn e las FARC, en recebent la clamor de patz del país, son arribats a un nòu acòrdi per acabar lo conflicte […] La consolidacion de la patz establa e perdurabla deu èsser l’engatjament de totes los colombians, en superant la polarizacion”, çò anoncièt lo mediator de Cuba, Iván Araba, abans de donar la paraula als pòrtavoses de las doas partidas de las negociacions.
“Sus l’acòrdi del 26 de setembre passat, diguèri qu’èra lo melhor acòrdi possible, pr’amor que permetiá de conclure lo conflicte, mas aqueste es melhor, pr’amor que respond a fòrça criticas e insatisfaccions del tèxt precedent”, çò assegurèt lo cap de la còla negociatritz del govèrn colombian, Humberto de la Calle.
“Es estada una oportunitat per esclarzir de dobtes e resòlver d’inquietuds, a servit a unir los colombians, s’es demostrat qu’a travèrs del dialòg es possible d’arribar a de ponches comuns”, çò concluguèt.
Lo naut responsable de las FARC, Iván Márquez, assegurèt que lo nòu acòrdi de patz es lo definitiu. “La patz seguís sa marcha inarrestabla”, çò declarèt Márquez.
“Avèm realizat lo melhor esfòrç per respondre als desirs de patz, e capinauts avèm reüssit. Lo sol camin que l’espèra lo nòu acòrdi es son aplicacion per bastir las basas d’una Colómbia en patz”, çò precisèt.
Lo negociator de las FARC a explicat que la desbranda del referendum significava pas un refús de l’acòrdi, mas una crida a son melhorament. “Comprenguèrem l’importància de lo reformular amb un nòu consens qu’incorporèsse de voses qu’èran estadas absentas dins las convèrsas qu’an lor ròtle dins la reconciliacion”, çò expliquèt Márquez.
Pendent son intervencion, Márquez convidèt l’Armada de Liberacion Nacionala (ELN), l’autre granda grop guerrilhièr qu’opèra en Colómbia, a participar a l’acòrdi.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
se" l'armada dau poble" vou la patz, aquo vou dire qu'ei vencuda, se i aguèsse agut la mendra possibiletat de victoria, aurián negociat e lo non au refertendum mostra que lo govèrn aviá fach la part trop bèla ai guerrilleros que li talharàn d'avantatges que meritavan pas gaire e qu'avián escalustrat la majoritat de la populacion colombiana
Fuerzas armadas revolucionarias de Colombia – Ejército del Pueblo---> FARC-EP
Organizacion plaçada sus la lista dels terroristas Dels Etats Unids, del canadà, de novèla zelanda, e de l'U.E.
Per las nacions unidas los FARC sarian responsible de 12% dels assassinats dels civils.
Francament de polit mond situats a qualques 12h00 d'aviopns d'Occitània.
E es amb 'aquò que cresetz atrevar los occitans ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari