Actualitats
Barcelona: multitudinària manifestacion per defendre los elegits independentistas perseguits per la justícia
Son 407 los procèsses judiciaris que la justícia espanhòla a dobèrts contra d’elegits independentistas catalans per de rasons politicas. Los manifestants cridan: “Pro de judicializacion de la politica catalana!”
Aperaquí 80 000 personas, segon la polícia, s’acampèron ièr a Barcelona per defendre los 407 elegits catalans independentistas menats en justícia per de rasons politicas. Jos lo lèma “Per la democracia. Defendam las nòstras institucions”, las entitats sobeiranistas Òmnium Cultural, Assemblada Nacionala Catalana e l’Associacion de Comunas per l’Independéncia avián convocat lo rassemblament per “picar de ponh sus la taula” davant la “judiciarizacion de la politica catalana”.
La manifestacion comptèt amb la participacion de la presidenta del Parlament de Catalonha, Carme Forcadell, qu’es en procès de destitucion per aver permés que se votèsse las conclusions adoptadas per la comission sul procès constituent, un tèxt que reconeis la necessitat d’un recors a de “mesuras unilateralas” per avançar vèrs l’independéncia e que fixa onze estapas de seguir per anar vèrs l’independéncia del país. Tanben i èran l’èx-president Artur Mas e los conselhièrs Francesc Homs, Irene Rigau e Joana Ortega, en procès judiciari per aver ajudat a la consulta populara sus l’independéncia lo 9 de novembre de fa dos ans.
I èran tanben qualques elegits municipals acusats de delictes de sedicion per desobesir a l’estat en plaçant de drapèls independentistas, coma lo conselhièr municipal de Vic, Joan Coma, e la consolessa de Berga, Montserrat Venturós.
Mobilizacion permanenta
“Avèm pas paur”, çò diguèt lo president d’Òmnium Cultural, Jordi Cuixart, en tot precisar que “s’atacan un elegit, atacan lo pòble entièr”. Remembrèt que la majoritat de leis catalanas que la cort constitucionala espanhòla a enebidas “son de leis socialas” e avertiguèt qu’“es mai que l’independéncia qu’es en jòc, es la democracia”. Dins aquel sens, assegurèt que cap d’elegit demorarà tot sol e qu’“es ara l’ora de la mobilizacion permanenta”.
La manifestacion comptèt amb la participacion de la presidenta del Parlament de Catalonha, Carme Forcadell, qu’es en procès de destitucion per aver permés que se votèsse las conclusions adoptadas per la comission sul procès constituent, un tèxt que reconeis la necessitat d’un recors a de “mesuras unilateralas” per avançar vèrs l’independéncia e que fixa onze estapas de seguir per anar vèrs l’independéncia del país. Tanben i èran l’èx-president Artur Mas e los conselhièrs Francesc Homs, Irene Rigau e Joana Ortega, en procès judiciari per aver ajudat a la consulta populara sus l’independéncia lo 9 de novembre de fa dos ans.
I èran tanben qualques elegits municipals acusats de delictes de sedicion per desobesir a l’estat en plaçant de drapèls independentistas, coma lo conselhièr municipal de Vic, Joan Coma, e la consolessa de Berga, Montserrat Venturós.
Mobilizacion permanenta
“Avèm pas paur”, çò diguèt lo president d’Òmnium Cultural, Jordi Cuixart, en tot precisar que “s’atacan un elegit, atacan lo pòble entièr”. Remembrèt que la majoritat de leis catalanas que la cort constitucionala espanhòla a enebidas “son de leis socialas” e avertiguèt qu’“es mai que l’independéncia qu’es en jòc, es la democracia”. Dins aquel sens, assegurèt que cap d’elegit demorarà tot sol e qu’“es ara l’ora de la mobilizacion permanenta”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Apa vinga, amunt, amunt!
Que no ens aturi res!
Visca la Terra...Lliure!
L'Ernest, "El Tàrrega".
Se los Josieus foguèron longtemps un "pòble apatrida", los occitanistas, eles, son al servici d'una patria sens pòble. Fa que pauc a pauc, lo pòble catalan m'es vengut un exutòri a totas las frustracions militantas, tan politicas coma culturalas.
Per me n'explicar, sens tornar dire encara un còp (per res) que los Occitans deurián far coma los Catalans, tornèm préner aqueste exemple precís, que l'autor de l'article a fòrça rason d'evocar.
1) Avèm pas paur : s’atacan un elegit, atacan lo pòble entièr ! Imaginatz un politician capable d'anar en preson per defendre l'interès del pòble que l'a elegit (es a dire un interès PUBLIC), en França ? E, vos parli pas d'un politician occitanista mai que d'un autre. Simplament un elegit del pòble en general, que, coma Marcià, se tendriá dreit coma lo dreit democratic davant la pression faiscista ? En Catalunya, d'elegits atal, ne comptan per ara 407. Quant ne comptariam en França, per defendre l'interès public, simplament public, sens parlar de pòble breton basc, catalanoccitan ni qué que foguès mai d'especific culturalament ? Catalunya es un grand pòble. Amb o sens C.N.T., omenatge a Catalunya !!!
2) Lo meteis inerlocutor precisís tanben que la majoritat de leis catalanas que la cort constitucionala espanhòla a enebidas sonde leis socialas e avertís qu’es mai que l’independéncia qu’es en jòc, es la democracia ! Aquí lo problèma màger d'Euròpa tota, edictat per un ciutadan catalan d'Euròpa. E o a comprés tot : es ara l’ora de la mobilizacion permanenta ! George Orwell aviá milanta còps rason : amb o sens C.N.T., omenatge a Catalunya !!!
Conclusion : Catalonha es laboratòri experimental de la democracia nas e nas amb la dictatura ordoliberala europèa a veleïtat imperialista faiscista. Ajam pas páur nosautres tanapauc. Tornèm cada jorn proclamar la Democracia al nas dels politicians ordoliberals que mespresan los pòbles (oficials o non).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari