Actualitats
An tuat l’ambaissador dels Estats Units en Libia dins un atac amb de fusadas
Tanplan son mòrts tres membres del personal del consolat a Bengazi
L’ambaissador dels Estats Units d’America en Libia, Christopher Stevens, e tres membres del personal de l’ambaissada foguèron tuats, ièr dimècres, en un atac amb de fusadas contra lo consolat estatsunidenc de Bengazi, segon d’informacions venent de fonts oficialas libianas. Se desconeis, per ara, se l’ambaissador èra dins la siá veitura o dins lo consolat.
“L’ambaissador en Libia e tres personas mai del consolat son mòrts a causa del lançament de fusadas per d’òmes armats”, çò diguèt ièr lo responsable de Reuters de Bengazi.
L’atac se seriá produsit après que las quatre victimas ensajavan de fugir la bastissa consolara, pr’amor que divèrsas personas èran davant en protestar contra un filme estatsunidenc ont, presumidament, s’insulta lo profèta Maomet. De fonts oficialas libianas an explicat que l’ambaissador estatsunidenc, Christopher Stevens, foguèt evacuat de la bastissa consolara vèrs un luòc mai segur quand se debanèt l’atac.
Abans de difondre aquelas informacions, la secretària d’Estat estatsunidenca, Hillary Clinton, aviá confirmat la mòrt d’un trabalhador del Departament d’Estat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Qu'ei ua vision d'apocalipsi, çò qui descrives ;-)
E plan lèu, en numero especial, una partida, en finala, entre los fantatics integristas crestinans del Tea Party e los fantatics integristas de tota autra religion ? Quines seràn los mai calucs ? Quines seràn los mai tuaires ? Quines seràn los mai cinics ? Quines faràn crebar mai de mond, non pas en los tuant, mas en los mandant se far tuar per eles sus los grands prats batalhèrs de l'absurd avendor ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari