Actualitats
Montpelhièr: embarrat dins una gàbia, Rémi Gaillard a obtengut 200 000 èuros de dons pel refugi d’animals
L’umorista montpelhierenc a passat quatre jornadas embarrat dins una gàbia amb la tòca de ne sortir après amassar almens 50 000 èuros de dons o l’adopcion de totes los animals del refugi. A triplat l’escomesa
L’umorista montpelhierenc Rémi Gaillard es sortit de sa gàbia dins la nuèch de diluns a dimars, en tot aver reüssit son escomesa. Gaillard s’embarrèt divendres 11 de novembre dins una gàbia de l’SPA de Montpelhièr, amb la tòca de ne sortir après amassar almens 50 000 èuros de dons o l’adopcion de totes los animals del refugi. La capitada es estada enòrma: l’accion de Rémi Gaillard a amassat 200 000 èuros.
L’eveniment foguèt filmat en dirècte sus Facebook e divèrsas personalitats anèron afichar lor sosten a Gaillard. L’umorista sortiguèt après sa quatrena nuèch de captivitat. “Ai la consciéncia tranquilla, ai triplat lo jackpòt!”, çò diguèt segon Midi Libre.
Pendent lo darrièr vidèo filmat, los intervenents remembravan qu’aquel combat deu contunhar. “E mai se Rémi Gaillard es restat quatre jorns embarrat, los animals o son sovent mai longtemps”. I a de petits cans qu’espèran dempuèi dos ans.
La direccion del refugi d’animals montpelhierenc destinarà los dons a melhorar las condicions del vida dels animals embarrats e a ne promòure l’adopcion.
L’eveniment foguèt filmat en dirècte sus Facebook e divèrsas personalitats anèron afichar lor sosten a Gaillard. L’umorista sortiguèt après sa quatrena nuèch de captivitat. “Ai la consciéncia tranquilla, ai triplat lo jackpòt!”, çò diguèt segon Midi Libre.
Pendent lo darrièr vidèo filmat, los intervenents remembravan qu’aquel combat deu contunhar. “E mai se Rémi Gaillard es restat quatre jorns embarrat, los animals o son sovent mai longtemps”. I a de petits cans qu’espèran dempuèi dos ans.
La direccion del refugi d’animals montpelhierenc destinarà los dons a melhorar las condicions del vida dels animals embarrats e a ne promòure l’adopcion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal ser solidaris amb los animals e amb las personas mai febles.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari