Actualitats
Un aborigèn australian se bat per recuperar del Musèu Britanic un bloquièr que l’emportèt lo capitani Cook en 1770
Rodney Kelly apèla a las tradicions aborigènas e argumenta que l’institucion britanica comet una “manca de respècte” devèrs son pòble. Lo Senat australian a aprovat una mocion de sosten a Kelly
Un descendent del primièr aborigèn australian que rescontrèt lo capitani James Cook en 1770 a començat una campanha per lo retorn de divèrsas pèças —dont un bloquièr— que los expedicionaris britanics emportèron devèrs lor país. L’iniciativa ten lo sosten del Parlament de la Nòva Galas del Sud e del Senat australian, e se finança amb de microdons.
La pèça centrala de la campanha es lo bloquièr Gweagal, que segon los jornals de James Cook e de dos de sos coexpedicionaris —Joseph Banks e Sydney Parkinson— s’emportèron los britanics de Botany Bay après lo panar al guerrièr que lo portava, un òme que son nom èra Cooman.
Rodney Kelly, descendent de Cooman e membre del clan aborigèn gweagal —que dona nom al bloquièr—, ensaja ara de convéncer lo Musèu Britanic [British Museum] de Londres que lo bloquièr Gweagal foguèt “panat” per l’expedicion de Cook e que lo cal tornar en Austràlia. Demanda tanben que divèrsas sagetas sián tanben recuperadas e que l’ensems patrimonial siá expausat al Musèu de Sydney.
Kelly apèla a las tradicions aborigènas que dison que las pèças elaboradas per aqueles pòbles devon demorar sus lors territòris. Sa campanha —finançada a travèrs de la plataforma de microdons GoFundMe— assegura qu’es “una manca de respècte” que lo bloquièr se tròbe luènh de la tèrra dels gweagals.
Lo Senat australian sostenguèt la demanda de Kelly lo mes passat, e reclamèt al govèrn australian que li autregèsse “l’assisténcia diplomatica” dins sas cambadas amb lo Reialme Unit per recuperar lo bloquièr e las sagetas.
Lo Musèu Britanic a dich qu’es dispausat a parlar del bloquièr Gweagal. Non pas per ne tornar la proprietat als gweagals o a Austràlia, mas per lo daissar en prèst —o a agut fach— a qualque musèu d’aquel país, benlèu d’un biais mai o mens permanent. La politica generala del Musèu Britanic, de fach, es de non tornar pas las pèças que sèrva o expausa.
En octòbre e en novembre, Kelly e dos autres activistas aborigèns fan una virada per Euròpa amb l’objectiu d’explicar lor vejaire sul conflicte e sus cossí afectèt los aborigèns l’arribada dels europèus en Austràlia.
Aquesta nòva es adaptada de Nationalia, amb qui Jornalet ten un acòrdi de cooperacion.
La pèça centrala de la campanha es lo bloquièr Gweagal, que segon los jornals de James Cook e de dos de sos coexpedicionaris —Joseph Banks e Sydney Parkinson— s’emportèron los britanics de Botany Bay après lo panar al guerrièr que lo portava, un òme que son nom èra Cooman.
Rodney Kelly, descendent de Cooman e membre del clan aborigèn gweagal —que dona nom al bloquièr—, ensaja ara de convéncer lo Musèu Britanic [British Museum] de Londres que lo bloquièr Gweagal foguèt “panat” per l’expedicion de Cook e que lo cal tornar en Austràlia. Demanda tanben que divèrsas sagetas sián tanben recuperadas e que l’ensems patrimonial siá expausat al Musèu de Sydney.
Kelly apèla a las tradicions aborigènas que dison que las pèças elaboradas per aqueles pòbles devon demorar sus lors territòris. Sa campanha —finançada a travèrs de la plataforma de microdons GoFundMe— assegura qu’es “una manca de respècte” que lo bloquièr se tròbe luènh de la tèrra dels gweagals.
Lo Senat australian sostenguèt la demanda de Kelly lo mes passat, e reclamèt al govèrn australian que li autregèsse “l’assisténcia diplomatica” dins sas cambadas amb lo Reialme Unit per recuperar lo bloquièr e las sagetas.
Lo Musèu Britanic a dich qu’es dispausat a parlar del bloquièr Gweagal. Non pas per ne tornar la proprietat als gweagals o a Austràlia, mas per lo daissar en prèst —o a agut fach— a qualque musèu d’aquel país, benlèu d’un biais mai o mens permanent. La politica generala del Musèu Britanic, de fach, es de non tornar pas las pèças que sèrva o expausa.
En octòbre e en novembre, Kelly e dos autres activistas aborigèns fan una virada per Euròpa amb l’objectiu d’explicar lor vejaire sul conflicte e sus cossí afectèt los aborigèns l’arribada dels europèus en Austràlia.
Aquesta nòva es adaptada de Nationalia, amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari