Actualitats
Obama a expulsat dos milions e mièg de personas: se Trump poirà vertadièrament superar aquel recòrd?
Lo govèrn d’Obama a percaçat gaireben 2,5 milions d’immigrants entre los ans 2009 e 2015 en utilizant d'òrdres d’expulsion
Lo president elegit dels Estats Units, Donald Trump, diguèt dimenge passat que comptava d’expulsar rapidament entre dos e tres milions de sens-papièrs que, segon çò qu’el assegura, an d'antecedents criminals. Amb aquelas declaracions, Trump ofrís a sos seguidors una indicacion que pensa de complir una de sas principalas promessas de campanha: un endurziment de las accions contra los immigrants en situacion irregulara als Estats Units.
Mas lo nombre d’eventuals indocumentats indicat per Donald Trump a començat a generar de controvèrsias. E mai se degun sap pas la chifra exacta de quantes an d'antecedents criminals, fòrça dobtan que lo nombre real siá tant elevat coma lo que mençona lo president elegit.
Trump declarèt dimenge passat pendent una entrevista al programa 60 Minutes de la cadena CBS, que son govèrn detendrà los immigrants amb d’“antecedents criminals, membres de bandas, trafegaires de drògas, que son fòrça personas, probablament dos milions, benlèu fins a tres milions”. “Los trairem del país o los embarrarem en preson lèu-lèu”.
Aquelas declaracions pòdon semblar exageradas, es plan probable qu’o sián coma o es la linha del nòu president, mas d’un costat son ja inferioras a las que faguèt pendent la campanha electorala, ont declarava que voliá fòrabandir gaireben 11 milions de personas.
Mas, al delà de çò que Trump diguèt abans l’eleccion e de çò que ditz ara, i a una autra comparason possibla: las chifras qu’el prepausa davant las expulsions qu'a realizadas l’actual govèrn de Barack Obama. E trobam aicí que lo govèrn d’Obama a expulsat dels Estats Units en uèch ans tant de mond coma prepausa Trump.
Lo govèrn d’Obama a percaçat gaireben 2,5 milions d’immigrants entre los ans 2009 e 2015 en utilizant d'òrdres d’expulsion, segon las donadas que provesís lo Departament de la Seguretat Nacionala. E deuriam encara apondre aquelas expulsions encara desconegudas d’ongan 2016.
Las meteissas chifras oficialas mòstran que cap d’autre president de l'istòria dels Estats Units a pas expulsat tantas personas coma Obama, e qu'a causa d’aquel recòrd a ganhat lo nom de “Cap dels Expulsaires”, un títol concedit amb fòrça polemica pels caps de la comunautat ispana.
Son predecessor, George W. Bush, percacèt aperaquí dos milions de personas en uèch ans de govèrn, en adoptant d'espleches nòus e de reglamentacions mai largas per definir qual podiá èsser expulsat o pas. Aqueles nòus espleches juridics foguèron eiretats per Obama, qu'a pas dobtat de se’n servir tanlèu arribat al poder.
“Lo president Obama se consagrèt a expulsar de personas condemnadas per de crimes e realizèt un considerable nombre de deportacions pendent son administracion”, çò ditz Randy Capps, un especialista del Migration Policy Institute, un centre d’analisi independent de Washington. Mas pendent lo darrièr periòde se concentrèt sus la criminalitat mai grèva en provocant una reduccion fòrça importanta del nombre d’expulsions.
Lo quite Trump mençonava las deportacions d’Obama pendent son darrièr debat electoral amb la democrata Hillary Clinton, en disent que “de milions de personas [èran] estadas expulsadas d’aqueste país” sens que degun parlèsse d’aquò.
I a pas cap de dobte que i a un contrast entre lo silenci mediatic per las expulsions realizadas per Obama e lo tarabast per las intencions de Trump, dont caldrà veire se despassan lo nombre de deportacions efectuadas pel govèrn d’Obama.
Trump, amb sa declaracions de dimenge passat, concretizèt la quantitat de personas qu'el meteis pensa d’expulsar, e mai se los expèrts meton en dobte la faiçon per la quala arribarà a aqueles tres milions.
Lo quite Capps explica qu’als Estats Units i a aperaquí 820 000 immigrants sens autorizacion amb de condemnas criminalas, que comprenon d’infraccions menoras, e probablament un milion d’immigrants legals que poirián èsser expulsats per d’antecedents criminals. “Cresèm que lo grop es un pauc mai pichon que çò que ditz, mas i a pas cap de dobte qu'aurà la capacitat per expulsar dos milions de personas pendent los primièrs quatre ans”.
Evidentament, o poirà pas far pendent sos primièrs cent jorns coma qualqu’un a dich o interpretat. Aquò fariá una mejana d’entre 400 000 e 500 000 personas expulsadas per an, sens lo besonh de demandar de ressorsas addicionalas al Congrès. Mas a la perfin del compte seriá una chifra comparabla amb los maximals annals del govèrn d’Obama, qu'arribèt d’expulsar 435 498 immigrants pendent l’an 2013.
La majoritat dels expulsats dins las darrièras annadas provenián de Mexic, ont los foncionaris de l’immigracion declaran esperar qu'aumente la quantitat de ciutadans expulsats dels Estats Units amb lo govèrn Trump mas pas d’un biais immediat ni significatiu.
Tanben, e mai se los expèrts espèran qu'en general lo futur govèrn Trump torne prene la tendéncia a far montar lo nombre de las deportacions, manca de claretat sul nombre qu’atendrà.
Lo president de la Cambra dels Representants, lo Republican Paul Ryan, escartèt dimenge passat que se formèsse una fòrça especiala d’expulsions, una autra idèa lançada fa qualques meses per Trump pendent la campanha electorala. E lo quite president elegit diguèt que la situacion dels immigrants sens papièrs qu'an pas d’antecedents criminals se definirà après que serà “assegurada” la frontièra sud amb Mexic.
E mai s’aquò poiriá semblar luènh de la proposicion d’Obama de donar de papièrs a una part dels 11 milions d’immigrants sens papièrs, comença tanben de s'alonhar de la proposicion originala de Trump de los expulsar totes.
Mas quitament aital, plusors se mòstran inquiets, e plan probablament an rason après veire lo tipe de coalicion sociala que dirigís Trump. Wendy Feliz, pòrtavotz de l’American Immigration Council, una associacion sens tòca lucrativa de Washington, declarava que “l’administracion Obama [aviá] ja limitat considerablament las garentias juridicas dels immigrants, que pòdon èsser expulsats plan rapidament sens possibilitat reala d’explicar lor situacion, mas, potencialament , aquò pòt èsser encara pièger pendent lo govèrn de Trump”.
Aquesta nòva es adaptada de Geopolítica.cat amb qui Jornalet ten un acòrdi de cooperacion.
Mas lo nombre d’eventuals indocumentats indicat per Donald Trump a començat a generar de controvèrsias. E mai se degun sap pas la chifra exacta de quantes an d'antecedents criminals, fòrça dobtan que lo nombre real siá tant elevat coma lo que mençona lo president elegit.
Trump declarèt dimenge passat pendent una entrevista al programa 60 Minutes de la cadena CBS, que son govèrn detendrà los immigrants amb d’“antecedents criminals, membres de bandas, trafegaires de drògas, que son fòrça personas, probablament dos milions, benlèu fins a tres milions”. “Los trairem del país o los embarrarem en preson lèu-lèu”.
Aquelas declaracions pòdon semblar exageradas, es plan probable qu’o sián coma o es la linha del nòu president, mas d’un costat son ja inferioras a las que faguèt pendent la campanha electorala, ont declarava que voliá fòrabandir gaireben 11 milions de personas.
Mas, al delà de çò que Trump diguèt abans l’eleccion e de çò que ditz ara, i a una autra comparason possibla: las chifras qu’el prepausa davant las expulsions qu'a realizadas l’actual govèrn de Barack Obama. E trobam aicí que lo govèrn d’Obama a expulsat dels Estats Units en uèch ans tant de mond coma prepausa Trump.
Lo govèrn d’Obama a percaçat gaireben 2,5 milions d’immigrants entre los ans 2009 e 2015 en utilizant d'òrdres d’expulsion, segon las donadas que provesís lo Departament de la Seguretat Nacionala. E deuriam encara apondre aquelas expulsions encara desconegudas d’ongan 2016.
Las meteissas chifras oficialas mòstran que cap d’autre president de l'istòria dels Estats Units a pas expulsat tantas personas coma Obama, e qu'a causa d’aquel recòrd a ganhat lo nom de “Cap dels Expulsaires”, un títol concedit amb fòrça polemica pels caps de la comunautat ispana.
Son predecessor, George W. Bush, percacèt aperaquí dos milions de personas en uèch ans de govèrn, en adoptant d'espleches nòus e de reglamentacions mai largas per definir qual podiá èsser expulsat o pas. Aqueles nòus espleches juridics foguèron eiretats per Obama, qu'a pas dobtat de se’n servir tanlèu arribat al poder.
“Lo president Obama se consagrèt a expulsar de personas condemnadas per de crimes e realizèt un considerable nombre de deportacions pendent son administracion”, çò ditz Randy Capps, un especialista del Migration Policy Institute, un centre d’analisi independent de Washington. Mas pendent lo darrièr periòde se concentrèt sus la criminalitat mai grèva en provocant una reduccion fòrça importanta del nombre d’expulsions.
Lo quite Trump mençonava las deportacions d’Obama pendent son darrièr debat electoral amb la democrata Hillary Clinton, en disent que “de milions de personas [èran] estadas expulsadas d’aqueste país” sens que degun parlèsse d’aquò.
I a pas cap de dobte que i a un contrast entre lo silenci mediatic per las expulsions realizadas per Obama e lo tarabast per las intencions de Trump, dont caldrà veire se despassan lo nombre de deportacions efectuadas pel govèrn d’Obama.
Trump, amb sa declaracions de dimenge passat, concretizèt la quantitat de personas qu'el meteis pensa d’expulsar, e mai se los expèrts meton en dobte la faiçon per la quala arribarà a aqueles tres milions.
Lo quite Capps explica qu’als Estats Units i a aperaquí 820 000 immigrants sens autorizacion amb de condemnas criminalas, que comprenon d’infraccions menoras, e probablament un milion d’immigrants legals que poirián èsser expulsats per d’antecedents criminals. “Cresèm que lo grop es un pauc mai pichon que çò que ditz, mas i a pas cap de dobte qu'aurà la capacitat per expulsar dos milions de personas pendent los primièrs quatre ans”.
Evidentament, o poirà pas far pendent sos primièrs cent jorns coma qualqu’un a dich o interpretat. Aquò fariá una mejana d’entre 400 000 e 500 000 personas expulsadas per an, sens lo besonh de demandar de ressorsas addicionalas al Congrès. Mas a la perfin del compte seriá una chifra comparabla amb los maximals annals del govèrn d’Obama, qu'arribèt d’expulsar 435 498 immigrants pendent l’an 2013.
La majoritat dels expulsats dins las darrièras annadas provenián de Mexic, ont los foncionaris de l’immigracion declaran esperar qu'aumente la quantitat de ciutadans expulsats dels Estats Units amb lo govèrn Trump mas pas d’un biais immediat ni significatiu.
Tanben, e mai se los expèrts espèran qu'en general lo futur govèrn Trump torne prene la tendéncia a far montar lo nombre de las deportacions, manca de claretat sul nombre qu’atendrà.
Lo president de la Cambra dels Representants, lo Republican Paul Ryan, escartèt dimenge passat que se formèsse una fòrça especiala d’expulsions, una autra idèa lançada fa qualques meses per Trump pendent la campanha electorala. E lo quite president elegit diguèt que la situacion dels immigrants sens papièrs qu'an pas d’antecedents criminals se definirà après que serà “assegurada” la frontièra sud amb Mexic.
E mai s’aquò poiriá semblar luènh de la proposicion d’Obama de donar de papièrs a una part dels 11 milions d’immigrants sens papièrs, comença tanben de s'alonhar de la proposicion originala de Trump de los expulsar totes.
Mas quitament aital, plusors se mòstran inquiets, e plan probablament an rason après veire lo tipe de coalicion sociala que dirigís Trump. Wendy Feliz, pòrtavotz de l’American Immigration Council, una associacion sens tòca lucrativa de Washington, declarava que “l’administracion Obama [aviá] ja limitat considerablament las garentias juridicas dels immigrants, que pòdon èsser expulsats plan rapidament sens possibilitat reala d’explicar lor situacion, mas, potencialament , aquò pòt èsser encara pièger pendent lo govèrn de Trump”.
Aquesta nòva es adaptada de Geopolítica.cat amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Obama un mal president, cal pas dire res pus. Ha perdut Hillari per ser una imperialista que vendia armes coma cap altra. La reponsabla de las guerras de Líbia,e Síria. Una autèntica mostre del mal.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari