L’umanitat fàcia als temps: tal serà lo tèma de la jornada de reflexion (9h-18h) mesa sus pè pels Companhs de Paratge pel dissabte 22 de setembre al domèni de la Ventalhòla a Ventenac de Cabardés (Montanha Negra/Cabardés).
L’associacion recampa monde que pensan que l’istòria es pas una sciéncia virada cap al passat mas que nos pòt balhar leiçons e interpretacions per comprene uèi e bastir deman.
Valeria Maès dobrirà lo talh en parlant de l’objectivitat e de la subjectivitat del temps.
Josiana Ubaud seguirà en abordant la question jos l’angle de l’imaginari occitan.
Bertran de la Farja tornarà sus la profecia del laurèl que reverdejarà al cap de sèt cents ans.
Aprèp lo temps de tasta dels vins del Domèni e del repais (10 € ; se marcar per e-mail o al tel. +33 (0)4 68 25 19 78).
Annia Cazenava e Joan-Loís Gasc parlaràn del temps medieval vist pels catars o per aqueles que profetizavan (ja) la fin del monde per deman.
Ròsa-Blin Miòch espepissarà la nocion temporala a travèrs los escrits occitans de las femnas del sègle XIX.
Jòrdi Blanc parlarà dels temps novèls somiats per Joan Jaurès.
Enfins, lo pastor Miquèl Jas parlarà de l’Apocalipsi, d’aquel fuòc que dins mai d’una civilizacion marcariá la fin dels temps e del monde.
Un temps de discutida serà previst aprèp cada intervencion, que cadun deu èsser actiu e soscaire e parlaire per un bon debanament del rescontre.
Mirelha Braç
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Potser, no entenc bé en Bourdon. En qualsevol cas, crec que és amb l'occità, a més d'altres llengües, que els occitanoparlants han d'encarar el futur.
E ben non !
Se una brava part de la jornada concernís la tematica occitana : l'imaginari, lo laurèl, los Catars, l'escrit occitan de las femnas del sègle 19, Jaurés... la lenga majoritàriament emplegada serà lo francés.
Ne sèm malastrosament aquí per l'emplec de la lenga !
Mas lso Companhs de paratge an plan consciéncia de l'afar !
"L'umanitat fàcia als temps": e vòu díser que la lenga de comunicacion e serà l'occitan ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari