Actualitats
Un tribunal d’Hong Kong obliga de daissar vacants los sètis dels deputats independentistas suspenduts
Es la cobertura legala que lo govèrn chinés a atencha per ensajar de metre fin a la crisi politica pus grèva dempuèi la recuperacion de l’èx-colònia britanica
Un tribunal d’Hong Kong a ordenat que demòren vacants los sètis dels dos deputats independentistas que lor enebiguèron l’accès al Conselh Legislatiu, Yau Wai-Ching e Sixtus Leung. Es aital que lo govèrn chinés a mes lo ponch final a la crisi politica pus importanta d’Hong Kong dempuèi que l’èx-colònia britanica tornèt jos sobeiranetat chinesa, çò rapòrta VilaWeb.
Ça que la, las ingeréncias de Pequin dins la region autonòma an agut lors consequéncias e fan dobtar que lo conflicte siá acabat. Lo Reialme Unit a presentat una protèsta formala al govèrn e per carrièras d’Hong Kong tornan manifèstar de milièrs de personas, coma se passèt en 2014 durant la Revolucion dels Parapluèjas.
La polemica comencèt en octòbre quand totes dos deputats volguèron pas jurar leialtat a China e mostrèron de bandeiròlas ont se legissiá “Hong Kong es pas China”, pendent l’acceptacion de lors cargues. La presidéncia del conselh decidiguèt en aquel moment de lor enebir l’accès a la cambra, mas arribèron d’intrar dins l’emicicle per la fòrça, escortats e protegits per d’autres uèch deputats.
En aquel moment, lo govèrn chinés decidiguèt agir d’un biais expeditiu e interdiguèt als deputats d’exercir lors cargues. La mesura, en mai d’èsser una incursion politica, cercava de far paur als independentistas, tant d’Hong Kong coma de las regions de Tibet o Xinjiang. Ara la justícia a volgut donar una cobertura legala a aquela enebicion.
L’enebicion dels deputats independentistas a generat plusors protèstas, dont un rassemblament de milièrs d’avocats, çò rapòrta The Guardian.
Ça que la, las ingeréncias de Pequin dins la region autonòma an agut lors consequéncias e fan dobtar que lo conflicte siá acabat. Lo Reialme Unit a presentat una protèsta formala al govèrn e per carrièras d’Hong Kong tornan manifèstar de milièrs de personas, coma se passèt en 2014 durant la Revolucion dels Parapluèjas.
La polemica comencèt en octòbre quand totes dos deputats volguèron pas jurar leialtat a China e mostrèron de bandeiròlas ont se legissiá “Hong Kong es pas China”, pendent l’acceptacion de lors cargues. La presidéncia del conselh decidiguèt en aquel moment de lor enebir l’accès a la cambra, mas arribèron d’intrar dins l’emicicle per la fòrça, escortats e protegits per d’autres uèch deputats.
En aquel moment, lo govèrn chinés decidiguèt agir d’un biais expeditiu e interdiguèt als deputats d’exercir lors cargues. La mesura, en mai d’èsser una incursion politica, cercava de far paur als independentistas, tant d’Hong Kong coma de las regions de Tibet o Xinjiang. Ara la justícia a volgut donar una cobertura legala a aquela enebicion.
L’enebicion dels deputats independentistas a generat plusors protèstas, dont un rassemblament de milièrs d’avocats, çò rapòrta The Guardian.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
No es que no en sentin Xinesos, es no coincideixen amb les dictadures, la manca de cultura democràtica, el despreci pel medi ambient, el capitalisme brutal i depredador, i que no volen estar en un lloc en manca un dret fonamental, poder dir el que vols on vulguis i a l'hora que vulguis.
Que s'ho pensin, el Xinesos.
Visca la Terra...Lliure!
L'Ernest, "El Tàrrega".
Lo que volen los angleses es que la colonia seva sia independenta per fotre la comonwell e tot l'imperi ancian d'abans de la guerra. Cap de faves.
Malgrat que ieu soi sostaire dels movements e pensadas independentistas, me sembla que Hong Kong es pas una nacion diferenta de la chinesa. An pas mantunas diferenças lingüisticas e de costumas entre l’anciana colonia anglesa e lo capluòc de la província de Guangdong, Guangzhou. Doncas, se los independentistas demandan pas la independencia de lo pòble yue (yut, yu) entièr, lor demanda es malaisida. Hong Kong èra una colonia, èra pas ancianament un pichon país independent de la rèsta del airal yue.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari