De collegians d’occitan de Besierés an rescontrat l’escrivan Florian Vernet. Diluns 7 de novembre foguèt lo torn dels escolans del Collègi de Càsols de Besièrs, e diluns 14 de novembre rescontrèron l’escrivan los escolans del Collègi de Cecenon.
 
Aqueles rescontres foguèron lo compliment d’una descobèrta de l’univèrs de l’autor, dels contes meravilhoses coma la Princessa Valentina, en passant per sas novèlas coma Fin de partida. Aquelas matinadas foguèron l’escasença per los escolans de cabussar un pauc mai dins l’univèrs de l’autor mas tanben d’ausir tindar la lenga de l’escrivan carismatic qu’es Florian Vernet. Regalèt los collegians de contes, d’anecdòtas, de viralengas… Pròva que la lenga nòstra despassa las parets de la classa e s’endralha per prene los camins bartassièrs…
 
 
 
 
Barbara Rouquette