Actualitats
Montalban: los agricultors del país en colèra contra la revision de las zònas desfavorizadas
L’estat francés vòl reduire lo nombre las comunas que benefícian d’ajudas compensatòrias de l’UE
Mai d’un milièr e mièg d’agricultors (1200 segon la polícia) manifestèron diluns passat a Montauban contra la revision de las zònas desfavorizadas, es a dire los camps particularament de mal cultivar per los quals los agricultors recebon d’ajudas compensatòrias de l’Union Europèa.
Lo Ministèri de l’Agricultura francés es lo que delimita las comunas concernidas per aquelas ajudas en foncion de plusors critèris, e ara son a revisar la carta. Coma exemple, dins lo departament de Tarn e Garona solet (aperaquí Carcin Bas), lo nombre de comunas beneficiàrias passariá de 181 actualament a 23, segon çò que rapòrta France 3.
Après una seguida de manifestacions e de protèstas localas de pertot, los sindicats agricòlas FRSEA e Joves Agricultors, decidiguèron de cridar a una manifestacion regionala a Montalban per far ausir lor votz.
Durant la protèsta, se passegèt un centenat de tractors plens de purins e de curum que los escampèron davant lo bastiment de la direccion dels territòris, del temps que los manifestants bandissián d’uòus. La polícia antisusmautas (CRS) ensagèt d’empedir l’accion en emplegant de gases lacrimogèns e de lanças d’aiga.
Lo Ministèri de l’Agricultura francés es lo que delimita las comunas concernidas per aquelas ajudas en foncion de plusors critèris, e ara son a revisar la carta. Coma exemple, dins lo departament de Tarn e Garona solet (aperaquí Carcin Bas), lo nombre de comunas beneficiàrias passariá de 181 actualament a 23, segon çò que rapòrta France 3.
Après una seguida de manifestacions e de protèstas localas de pertot, los sindicats agricòlas FRSEA e Joves Agricultors, decidiguèron de cridar a una manifestacion regionala a Montalban per far ausir lor votz.
Durant la protèsta, se passegèt un centenat de tractors plens de purins e de curum que los escampèron davant lo bastiment de la direccion dels territòris, del temps que los manifestants bandissián d’uòus. La polícia antisusmautas (CRS) ensagèt d’empedir l’accion en emplegant de gases lacrimogèns e de lanças d’aiga.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari