Actualitats
Lo nombre de mòrts en Mediterranèa a batut un nòu recòrd
Los migrants “de còps son forçats de viatjar, e mai se càmbian d’avís”, çò ditz Leonard Doyle, pòrtavotz de l’OIM a Genèva
Lo nombre de personas que son mòrtas en Mediterranèa dins lor assag de cercar una vida melhora a batut un nòu recòrd pendent aqueste an 2016, çò planguèt divendres passat l’Organizacion Internacionala per las Migracions (OIM).
Dempuèi lo començament de l’annada, mai de 4600 personas an perdut la vida en se negar pendent la traversada dins aquela zòna. Son a l'entorn de 1000 personas de mai que dins lo meteis periòde de l’an 2015.
Demest aqueles mòrts, se compren las 365 personas que son estadas portadas desaparegudas durant las darrièras tres setmanas.
Leonard Doyle, pòrtavotz de l’OIM a Genèva, a apondut que las estatisticas de novembre son ja sièis còps mai nautas que las del mes anterior.
“Aquel aument s’explica de verai pel tempèri. Mas los migrants pagan e creson qu'auràn un passatge decent per navigar en Mediterranèa, mas puèi sus la plaja tròban un barcòt conflable de cauchó e an pas cap d'autra causida. De còps, son forçats de viatjar, e mai se càmbian d’avís”, çò a explicat lo pòrtavotz.
La majoritat de las barcas provenon de Libia e se dirigisson devèrs la còsta italiana de Lampedusa, pr’amor que l’autra rota, de Turquia a Grècia, fonciona pas. Los migrants que causissián aquela rota recebián de refuses dins lors sollicitacions d’asil e se fasián puèi expulsar, o ben devenián de sens-papièrs dins l'Union Europèa, çò expliquèt l’OIM.
Aquesta nòva es adaptada de Geopolítica.cat, amb qui Jornalet ten un acòrdi de cooperacion.
Dempuèi lo començament de l’annada, mai de 4600 personas an perdut la vida en se negar pendent la traversada dins aquela zòna. Son a l'entorn de 1000 personas de mai que dins lo meteis periòde de l’an 2015.
Demest aqueles mòrts, se compren las 365 personas que son estadas portadas desaparegudas durant las darrièras tres setmanas.
Leonard Doyle, pòrtavotz de l’OIM a Genèva, a apondut que las estatisticas de novembre son ja sièis còps mai nautas que las del mes anterior.
“Aquel aument s’explica de verai pel tempèri. Mas los migrants pagan e creson qu'auràn un passatge decent per navigar en Mediterranèa, mas puèi sus la plaja tròban un barcòt conflable de cauchó e an pas cap d'autra causida. De còps, son forçats de viatjar, e mai se càmbian d’avís”, çò a explicat lo pòrtavotz.
La majoritat de las barcas provenon de Libia e se dirigisson devèrs la còsta italiana de Lampedusa, pr’amor que l’autra rota, de Turquia a Grècia, fonciona pas. Los migrants que causissián aquela rota recebián de refuses dins lors sollicitacions d’asil e se fasián puèi expulsar, o ben devenián de sens-papièrs dins l'Union Europèa, çò expliquèt l’OIM.
Aquesta nòva es adaptada de Geopolítica.cat, amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E l'imper s'enfot.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari