Actualitats
116 mòrts, almens, en causa del desralhament d’un tren en Índia
Lo nombre de victimas pòt aumentar considerablament pendent las oras venentas
116 personas son mòrtas, almens, e gaireben 200 son estadas feridas en causa del desralhament d’un tren dimenge de matin (cap a 03 h 00, ora locala; 21h30 GMT de dissabte) a l’entorn de Kanpur, al nòrd d’Índia. Fins a 14 vagons de l’Indore-Patna Express an desralhat per una deficiéncia sus las vias.
Un pòrtavotz de la zòna nòrd e centrala de la ret ferroviària indiana, R.D.Bajpayee, declarèt a l’agéncia Efe que “las causas de l’accident an pas pogut èsser determinadas, per ara”; mentretant, los servicis de socors trabalhavan contra la mòstra dins la zòna del sinistre.
La màger part de las victimas mortalas èran a dormir al moment de l’accident. Lo tren 19321 transportava mai de 500 personas a la municipalitat de Pukhraya, a aperaquí 100 km de Kanpur, dins l’estat d’Uttar Pradesh, segon las informacions de la cadena de television indiana NDTV.
Al moment de la redaccion d’aquesta nòva, 250 personas dels socorses e una còla de l’Armada Indiana trabalhan per liberar los viatjaires que se tròban encara preses entre de tonas de ferralha. Pel moment, son estats encara incapables d’accedir a un vagon plen de passatgièrs, es doncas es segur que la chifra de mòrts aumentarà, e cèrtament fòrça, pendent las oras que venon.
L’agent de polícia Daljeet Singh Choudhary, a assegurat en de declaracions a NDTV que las còlas de socors emplegan d’esquipament pesuc per salvar la vida del passatgièrs preses dins los vagons.
De son costat, lo primièr ministre indian, Narendra Modi, a exprimit sa preocupacion per l’accident: “Mancan las paraulas per descriure mon angoissa”. Modi es en contacte permanent amb lo ministre dels transpòrts, Suresh Prabhu, qu’a promés una investigacion immediata. “Las mesuras mai estrictas dins lo quadre legal seràn presas contra los responsables de l’accident, çò a declarat.
Lo ministre cap de la província d’Uttar Pradesh, Akhilesh Yadav, a confirmat que totes los espitals dels districtes vesins son estats activats e meses en alèrta per recebre las victimas.
La ret ferroviària indiana es, amb 65 000 km de percors, la 4a en longor del Mond, aprèp los Estats Units, Russia e China. Compta 1 300 000 emplegats, 12 500 trens e transpòrta cada jorn aperaquí 23 000 000 passatgièrs.
E totun, malgrat que lo 80 % de la ret foguèt construida pels britanics abans 1948, la mai gròssa partida dels investiments en infrastructuras ferroviàrias semblariá sistematicament degalhada en la mantenença de las vièlhas vias.
Pagina d’Indian Railways: http://www.indianrailways.gov.in/
Primièr rapòrt de victimas
Un pòrtavotz de la zòna nòrd e centrala de la ret ferroviària indiana, R.D.Bajpayee, declarèt a l’agéncia Efe que “las causas de l’accident an pas pogut èsser determinadas, per ara”; mentretant, los servicis de socors trabalhavan contra la mòstra dins la zòna del sinistre.
La màger part de las victimas mortalas èran a dormir al moment de l’accident. Lo tren 19321 transportava mai de 500 personas a la municipalitat de Pukhraya, a aperaquí 100 km de Kanpur, dins l’estat d’Uttar Pradesh, segon las informacions de la cadena de television indiana NDTV.
Al moment de la redaccion d’aquesta nòva, 250 personas dels socorses e una còla de l’Armada Indiana trabalhan per liberar los viatjaires que se tròban encara preses entre de tonas de ferralha. Pel moment, son estats encara incapables d’accedir a un vagon plen de passatgièrs, es doncas es segur que la chifra de mòrts aumentarà, e cèrtament fòrça, pendent las oras que venon.
L’agent de polícia Daljeet Singh Choudhary, a assegurat en de declaracions a NDTV que las còlas de socors emplegan d’esquipament pesuc per salvar la vida del passatgièrs preses dins los vagons.
De son costat, lo primièr ministre indian, Narendra Modi, a exprimit sa preocupacion per l’accident: “Mancan las paraulas per descriure mon angoissa”. Modi es en contacte permanent amb lo ministre dels transpòrts, Suresh Prabhu, qu’a promés una investigacion immediata. “Las mesuras mai estrictas dins lo quadre legal seràn presas contra los responsables de l’accident, çò a declarat.
Lo ministre cap de la província d’Uttar Pradesh, Akhilesh Yadav, a confirmat que totes los espitals dels districtes vesins son estats activats e meses en alèrta per recebre las victimas.
La ret ferroviària indiana es, amb 65 000 km de percors, la 4a en longor del Mond, aprèp los Estats Units, Russia e China. Compta 1 300 000 emplegats, 12 500 trens e transpòrta cada jorn aperaquí 23 000 000 passatgièrs.
E totun, malgrat que lo 80 % de la ret foguèt construida pels britanics abans 1948, la mai gròssa partida dels investiments en infrastructuras ferroviàrias semblariá sistematicament degalhada en la mantenença de las vièlhas vias.
Pagina d’Indian Railways: http://www.indianrailways.gov.in/
Primièr rapòrt de victimas
Name List of Passengers died in the accident of train no 19321 pic.twitter.com/3LSdIMluCN
— Ministry of Railways (@RailMinIndia) 20 de novembre de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Molts de kms de via, que cal gardar e mantener, segur que la tegnologia de punta, s'esforça per far armas de destruccion massiva per la guerra, e pas per far sevicis de vigilància mai segurs per lo poble.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari