Actualitats
Rugbi de XIII: e totjorn sautan mai naut, los Cangorós!
Pas de besonh de primàrias dins lo monde tretzista per saupre quals son los mai fòrts: los australians
Alan Roch
Tròp fòrts, los australians
Mai de 40 000 espectators seguiguèron aqueste dimenge, a Liverpool, la finala del Torneg de las 4 Nacions, entre australians e neozelandeses. Foguèron lèu fixats sul sòrt de la partida: tre la segonda minuta, lo tres-quart australian Blake Ferguson marcava un ensag... A la pausa, los australians avián prés lo large: 24-0. Mestregèron la segonda mièg temps per l’emportar fin finala sus la marca de 34-8.
Los Canaris mestrejan los Dragonets-U23
La setena jornada del campionat d’Elèit 1 prepausava en cap d’aficha l’afrontament entre Carcassona e Sant Estève-XIII catalan a Domèc, dissabte en serada. Los Canaris realizèron un primièr temps de tria: passèron quatre còps la linha blanca e Gressèque ajustèt tres transformacions e doas penalitats: 26-6. Dins lo segond temps, los joves catalans monopolizèron la palma, mas poguèron pas tornar faire lor retard. Victòria dels Jaune e Negre: 28-20.
Dins lo meteis temps, Avinhon s’impausava a Tolosa: 40-12 e Albi l’emportava sus Vilanòva: 31-20.
Dimenge, Sent Gaudenç opausa una brava resisténcia al campion limosenc e pren lo punt de bònus defensiu: 20-32, alara que, sus sa pelena, Palau pòt pas res contra Lesinhan: 14-36.
La ueitena jornada se tendrà la primièra dimenjada de decembre amb, en cap d’aficha, la partida entre los primièrs dos, Lesinhan e Carcassona, al Molin.
La Copa del Mond de XIII-fautuèlh en Occitània en 2017
A l’escasença de la finala de las 4 Nacions, la Federacion internacionala teniá son amassada a Liverpool.
S’i confirmèt lo debanament de la Copa del Mond de 2021 en Anglatèrra e una primièra en 2025 sul continent american amb una organizacion conjunta dels Estats Units amb Canadà.
Lo Campionat del mond de XIII-fautuèlh de 2017 se debanarà a la tardor venenta en Occitània.
A Liverpool, la volontat d’espandiment planetari del XIII foguèt vertadièrament a l’òrdre del jorn.
Alan Roch
Mai de 40 000 espectators seguiguèron aqueste dimenge, a Liverpool, la finala del Torneg de las 4 Nacions, entre australians e neozelandeses. Foguèron lèu fixats sul sòrt de la partida: tre la segonda minuta, lo tres-quart australian Blake Ferguson marcava un ensag... A la pausa, los australians avián prés lo large: 24-0. Mestregèron la segonda mièg temps per l’emportar fin finala sus la marca de 34-8.
Los Canaris mestrejan los Dragonets-U23
La setena jornada del campionat d’Elèit 1 prepausava en cap d’aficha l’afrontament entre Carcassona e Sant Estève-XIII catalan a Domèc, dissabte en serada. Los Canaris realizèron un primièr temps de tria: passèron quatre còps la linha blanca e Gressèque ajustèt tres transformacions e doas penalitats: 26-6. Dins lo segond temps, los joves catalans monopolizèron la palma, mas poguèron pas tornar faire lor retard. Victòria dels Jaune e Negre: 28-20.
Dins lo meteis temps, Avinhon s’impausava a Tolosa: 40-12 e Albi l’emportava sus Vilanòva: 31-20.
Dimenge, Sent Gaudenç opausa una brava resisténcia al campion limosenc e pren lo punt de bònus defensiu: 20-32, alara que, sus sa pelena, Palau pòt pas res contra Lesinhan: 14-36.
La ueitena jornada se tendrà la primièra dimenjada de decembre amb, en cap d’aficha, la partida entre los primièrs dos, Lesinhan e Carcassona, al Molin.
La Copa del Mond de XIII-fautuèlh en Occitània en 2017
A l’escasença de la finala de las 4 Nacions, la Federacion internacionala teniá son amassada a Liverpool.
S’i confirmèt lo debanament de la Copa del Mond de 2021 en Anglatèrra e una primièra en 2025 sul continent american amb una organizacion conjunta dels Estats Units amb Canadà.
Lo Campionat del mond de XIII-fautuèlh de 2017 se debanarà a la tardor venenta en Occitània.
A Liverpool, la volontat d’espandiment planetari del XIII foguèt vertadièrament a l’òrdre del jorn.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari