Actualitats
Eslovènia: l’aiga potabla ven un drech fondamental e se poirà pas privatizar
Es lo primièr estat de l’Union Europèa ont l’aiga potabla aperten a totes sos ciutadans
Eslovènia ven lo primièr país de l’Union Europèa qu’inclutz lo drech a l’aiga dins sa Constitucion. L’aiga potabla es ara un drech fondamental après que lo Parlament del país a apondut un nòu article dins sa Constitucion per una aiga a l’abric de tot afar lucratiu, çò rapòrta The Guardian.
“Lo provesiment en aiga de la populacion es assegurat per l’estat via las collectivitats localas, dirèctament e de faiçon non lucrativa”, çò ditz l’article que precisa que “las ressorsas en aiga son un ben public gerit per l’estat. Son destinadas en primièr luòc a assegurar lo provesiment durable en aiga potabla de la populacion, e son pas una mèrça”.
Lo govèrn de centresquèrra a encoratjat l’adopcion d’aquel article. Qualques instants abans lo vòte, lo primièr ministre Miro Cerar, a l’origina de l’iniciativa, disiá que “cal oferir lo nivèl pus naut de proteccion legala a l’aur liquid del sègle XXIn, un ben apelat a devenir de mai en mai cobejat a l’avenir”.
L’article s’aprovèt amb 64 vòtes en favor e cap en contra. Los 26 deputats de l’oposicion de centredrecha votèron pas, en tot considerar que caliá pas modificar la Constitucion del país.
Fins ara, solament 15 estats del Mond an garentit aquel drech, segon Rampedre. Ara Eslovènia es lo primièr de l’UE ont l’aiga potabla aperten a totes sos ciutadans.
“Lo provesiment en aiga de la populacion es assegurat per l’estat via las collectivitats localas, dirèctament e de faiçon non lucrativa”, çò ditz l’article que precisa que “las ressorsas en aiga son un ben public gerit per l’estat. Son destinadas en primièr luòc a assegurar lo provesiment durable en aiga potabla de la populacion, e son pas una mèrça”.
Lo govèrn de centresquèrra a encoratjat l’adopcion d’aquel article. Qualques instants abans lo vòte, lo primièr ministre Miro Cerar, a l’origina de l’iniciativa, disiá que “cal oferir lo nivèl pus naut de proteccion legala a l’aur liquid del sègle XXIn, un ben apelat a devenir de mai en mai cobejat a l’avenir”.
L’article s’aprovèt amb 64 vòtes en favor e cap en contra. Los 26 deputats de l’oposicion de centredrecha votèron pas, en tot considerar que caliá pas modificar la Constitucion del país.
Fins ara, solament 15 estats del Mond an garentit aquel drech, segon Rampedre. Ara Eslovènia es lo primièr de l’UE ont l’aiga potabla aperten a totes sos ciutadans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 les empreses publiques son una manera de la casta politica donar feina per els seus coordinadoors de campanya parents companys de militancia i tota aço a costa de la gent comú que traballa i produeix l´escandol de la petrobras(brasil) no es donaria si aquesta empresa com altres hagues estat privatitzada als anys norenta i mateix que es dones lo pagarien els accionistes i no pas el poble com passa ara llavors els fets son clars visca el neoliberalisme!!
Cal educar a la poblacion perquè sàpiga que las privatizacions son una maniera mai de las empresas privadas e los banquier privats de raubar a la gent.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari