Actualitats
Transgarona: Aran e Bordèu seràn lèu connectats per una pista ciclabla
Lo govèrn d’Aran e lo conselh departamental de Nauta Garona an signat un acòrdi per finalizar un trajècte de 28 Km de pista ciclabla que manca per jónher Aran e Tolosa
Occitània comptarà lèu amb una pista ciclabla long de tota Garona, d’Aran fins a Bordèu, nomenada Transgarona. Lo govèrn d’Aran e lo conselh departamental de Nauta Garona signèron, lo 18 de novembre passat, un acòrdi per finalizar lo trajècte entre Aran e Tolosa, en traversant Comenge.
Lo projècte, avalorat a 3,5 milions d’èuros, es finançat pel programa de cooperacion transfrontalièra dels estats andorran, espanhòl e francés POCTÈFA. Se tracta d’una pista ciclabla de 28 Km que connectarà Vielha (Val d’Aran) e Fronçac (Comenge) en jonhent la pista ciclabla existenta. Solament mancarà de realizar lo tròç entre Marcahava (Volvèstre) e Portèth de Garona (Tolosan), e entre Vielha e Naut Aran per que tota Garona siá religada per una pista ciclabla.
“Çò que cercam en Govèrn d’Aran, ei ua rota ciclista naturau per arriu Garona, facila e familiala. Ath delà, auem contactes entà perlongar era pista ciclabla enquia Catalonha a long tèrme”, çò declarèt lo conselhièr aranés cargat del Territòri, Jose A. Boya.
Lo projècte, avalorat a 3,5 milions d’èuros, es finançat pel programa de cooperacion transfrontalièra dels estats andorran, espanhòl e francés POCTÈFA. Se tracta d’una pista ciclabla de 28 Km que connectarà Vielha (Val d’Aran) e Fronçac (Comenge) en jonhent la pista ciclabla existenta. Solament mancarà de realizar lo tròç entre Marcahava (Volvèstre) e Portèth de Garona (Tolosan), e entre Vielha e Naut Aran per que tota Garona siá religada per una pista ciclabla.
“Çò que cercam en Govèrn d’Aran, ei ua rota ciclista naturau per arriu Garona, facila e familiala. Ath delà, auem contactes entà perlongar era pista ciclabla enquia Catalonha a long tèrme”, çò declarèt lo conselhièr aranés cargat del Territòri, Jose A. Boya.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una gran idea la d'unir l'Aran amb la ciutat mai polida de frança.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari