Actualitats
Es fòrça probable que lo Brexit finisca davant la Cort de Justícia de l’Union Europèa, segon son president
I a “fòrça manièras” de far lo Brexit per tal que lo procès finisca davant aquela cort, çò diguèt, e mai se volguèt pas bailar mai de detalhs
Lo president de la Cort de Justícia de l’Union Europèa, Koen Lenaerts, soslinhèt diluns passat qu’es fòrça probable que la sortida del Reialme Unit de l’Union Europèa, lo Brexit, finisca dins aquel tribunal, qu’es lo pus naut de l’UE. I a “fòrça manièras” de far lo Brexit per tal que lo procès finisca davant aquela cort, çò diguèt, e mai se volguèt pas bailar mai de detalhs
Dins una entrevista autrejada al Financial Times, Lenaerts indicava que de questions coma la de l’Article 50 del Tractat de Lisbona, que permet a un estat membre de poder abandonar l'UE, “pòt èsser interpretada per nòstre tribunal coma quina autra disposicion que siá del drech comunautari”.
Segon çò qu’el sostenguèt, existís un larg ventalh de consequéncias legalas del Brexit que poirián requerir l'intervencion del tribunal de l'UE, e mai se volguèt pas precisar “cossí, ont e segon quin vejaire aquò se poiriá passar”.
Los dobtes sul drech comunautari pòdon èsser resolguts en darrièr luòc solament per la Cort Europèa de Justícia, que son sèti es a Luxemborg, e aquela cort poiriá intervenir se sorgís qualque disputa dins lo procès.
E mai se mençonèt pas dirèctament la negociacion del Brexit, Laertes si que citèt d’exemples del passat ont la Cort Europèa de Justícia deguèt fixar de limits als acòrdis que l’UE fasiá amb sos vesins. “Quand l’UE conclutz un acòrdi d’aquel tipe, deu pas transgredir sa pròpria legislacion”, çò soslinhèt.
Justament, los partisans del Brexit considèran que la Cort Europèa de Justícia es un dels principals exemples de l’ingeréncia de l'UE dins lor país. Segon lo professor de Drech de l'UE de l'Universitat d’Essex Steve Peers, “es probable que siá solament una question de temps que lo Brexit siá decidit pels tribunals de l’UE e aquela perspectiva es de tot ironica”.
La Cort Europèa de Justícia de l’UE es obligada d’estudiar totes los cases que se li presenten, e i poiriá intervenir e mai se la Cort Suprèma britanica o li demanda pas. Qualques nauts foncionaris de l'UE argumentan que lo Reialme Unit contunha d'èsser restacat a l’UE per sos engatjaments, quitament après sa sortida del blòc e quand los tractats cessaràn de s’i aplicar.
Dins una entrevista autrejada al Financial Times, Lenaerts indicava que de questions coma la de l’Article 50 del Tractat de Lisbona, que permet a un estat membre de poder abandonar l'UE, “pòt èsser interpretada per nòstre tribunal coma quina autra disposicion que siá del drech comunautari”.
Segon çò qu’el sostenguèt, existís un larg ventalh de consequéncias legalas del Brexit que poirián requerir l'intervencion del tribunal de l'UE, e mai se volguèt pas precisar “cossí, ont e segon quin vejaire aquò se poiriá passar”.
Los dobtes sul drech comunautari pòdon èsser resolguts en darrièr luòc solament per la Cort Europèa de Justícia, que son sèti es a Luxemborg, e aquela cort poiriá intervenir se sorgís qualque disputa dins lo procès.
E mai se mençonèt pas dirèctament la negociacion del Brexit, Laertes si que citèt d’exemples del passat ont la Cort Europèa de Justícia deguèt fixar de limits als acòrdis que l’UE fasiá amb sos vesins. “Quand l’UE conclutz un acòrdi d’aquel tipe, deu pas transgredir sa pròpria legislacion”, çò soslinhèt.
Justament, los partisans del Brexit considèran que la Cort Europèa de Justícia es un dels principals exemples de l’ingeréncia de l'UE dins lor país. Segon lo professor de Drech de l'UE de l'Universitat d’Essex Steve Peers, “es probable que siá solament una question de temps que lo Brexit siá decidit pels tribunals de l’UE e aquela perspectiva es de tot ironica”.
La Cort Europèa de Justícia de l’UE es obligada d’estudiar totes los cases que se li presenten, e i poiriá intervenir e mai se la Cort Suprèma britanica o li demanda pas. Qualques nauts foncionaris de l'UE argumentan que lo Reialme Unit contunha d'èsser restacat a l’UE per sos engatjaments, quitament après sa sortida del blòc e quand los tractats cessaràn de s’i aplicar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo poble britanic sobiran votet liurament e decidiguet la separacion de l'UE. Atal es la democràcia que sembla pas agradar a tots.
ieu, ome intensament religios, cresiáu que l'eternitat ad seculos seculorum èra una de meis especialitats, qu'ai totjorn promes lo paradis an aquelei que me veneravan, una particularitat sui generis per parlart una lenga que m'agrada abord, la latin, qu'aquo èra dins mei gèns, mai non, a l'ora d'ara, l'eternitat ei personificada per la Cort europèa de justicia que dins cent ans, dins mil ans proïbarà sempre que mai a un estat europenc de sortir de l'Union
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari