Actualitats
Cossí se passèt l’extincion de l’Obit
La coexisténcia de nòstra espècia amb d’autras provoquèt son extincion
Dempuèi la descobèrta en 2003 d’una nòva espècia d’ominid apelada Homo floresiensis —que mesurava solament 1 mètre— en la balma indonesiana de Liang Bua, dins l’illa de Flores, la comunautat scientifica a discutit las rasons de son extincion. Ara, un nòu estudi ditz qu’aquò se debanèt fa 50 000 ans en causa de l’intrada de nòstra espècia dins l’illa. Aquò provoquèt son extincion.
Segon lo nòu estudi publicat dins la revista Nature, totas doas espècias aurián luchat entre elas per la noiridura e aquò auriá provocat l’extincion d’Homofloresiensis. La data de son extincion tanben auriá d’èsser cambiada pr’amor que fins a uèi lo jorn se disiá qu’aquesta se debanèt fa solament 11 000 ans. Lo nòu estudi ditz que foguèt fòrça mai anciana.
Los dobtes comencèron quand se pensèt que fa 11 000 ans l’òme modèrne ja aviá colonizat totalament lo Sud-Èst asiatic. E aquò daissariá pas pro d’escasenças de subrevivéncia a l’Obit. De mai, la coexisténcia d’aqueste amb nòstra espècia seriá tanben dobtosa.
Segon lo nòu estudi, l’extincion d’Homofloresiensis se seriá debanada longtemps abans, entre fa 50 000 e 46 000 ans —la darrièra esqueleta trobada d’un Obit a precisament 46 000 ans—, pr’amor de l’intrada d’Homosapiens en Asia del Sud-Èst e Austràlia.
Conéisser la data de l’arribada de nòstra espècia dins aquela region de la planeta —ont tanben i avián alavetz doas espècias de mai dins lo luòc, Homo erectus e Homo floresiensis— provoquèt una autra question: l’arribada de l’òme modèrn, foguèt la causa de l’extincion de l’Obit? Mas se foguèt aital, caliá aver de pròvas. E aquò es estat çò qu’a cercat la còla de scientifics qu’a fach lo nòu estudi.
Aquò pòt pas èsser una coïncidéncia
Çò afirman los cercaires qu’an participat a l’estudi e qu’an presentat sas conclusions fa gaire al congrès de la Societat Europèa per l’Estudi de l’Evolucion Umana, a Madrid. D’en primièr cal soslinhar que la coexisténcia de nòstra espècia amb d’autras —coma Neandertal— provoquèt son extincion —e mai s’ara ja se sap qu’Homosapienssapiens e Neandertal demorèron amassa fins a 50 000 annadas—.
Dins la cauna de Liang Bua s’es trobat de dents mai grandas que las de l’espècia Homofloresiensis. Aquò voliá dire que l’òme modèrne visquèt a l’epòca de l’Obit. Mas quant de temps?
La còla de l’estudi, amb Richard Roberts, de l’Universitat de Wollongong, en Austràlia, confirma que nòstra espècia foguèt una causa dirècta de l’extincion d’Homo floresiensis. Tanben, e mai i aja pas unanimitat scientifica per creire qu’aquestas dents pòscan èsser d’umans modèrnes —qualques unes pensan que poirián èsser d’Homosapiens o tanben d’Homoerectus pr’amor que son fòrça primitivas —, Roberts e sos collègas dison que lo fach es clar.
D’autras pròvas serián l’extincion a aquela meteissa epòca d’animals coma la cigonha giganta, de l’estegodont (de la familha anciana dels elefants) e dels voltors, que van pas mai luènh que los depauses de 46 000 ans. L’arribada d’Homo sapiens provoquèt una lucha per la subrevivéncia que finiguèt que tuèt l’Obit. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Segon lo nòu estudi publicat dins la revista Nature, totas doas espècias aurián luchat entre elas per la noiridura e aquò auriá provocat l’extincion d’Homofloresiensis. La data de son extincion tanben auriá d’èsser cambiada pr’amor que fins a uèi lo jorn se disiá qu’aquesta se debanèt fa solament 11 000 ans. Lo nòu estudi ditz que foguèt fòrça mai anciana.
Los dobtes comencèron quand se pensèt que fa 11 000 ans l’òme modèrne ja aviá colonizat totalament lo Sud-Èst asiatic. E aquò daissariá pas pro d’escasenças de subrevivéncia a l’Obit. De mai, la coexisténcia d’aqueste amb nòstra espècia seriá tanben dobtosa.
Segon lo nòu estudi, l’extincion d’Homofloresiensis se seriá debanada longtemps abans, entre fa 50 000 e 46 000 ans —la darrièra esqueleta trobada d’un Obit a precisament 46 000 ans—, pr’amor de l’intrada d’Homosapiens en Asia del Sud-Èst e Austràlia.
Conéisser la data de l’arribada de nòstra espècia dins aquela region de la planeta —ont tanben i avián alavetz doas espècias de mai dins lo luòc, Homo erectus e Homo floresiensis— provoquèt una autra question: l’arribada de l’òme modèrn, foguèt la causa de l’extincion de l’Obit? Mas se foguèt aital, caliá aver de pròvas. E aquò es estat çò qu’a cercat la còla de scientifics qu’a fach lo nòu estudi.
Aquò pòt pas èsser una coïncidéncia
Çò afirman los cercaires qu’an participat a l’estudi e qu’an presentat sas conclusions fa gaire al congrès de la Societat Europèa per l’Estudi de l’Evolucion Umana, a Madrid. D’en primièr cal soslinhar que la coexisténcia de nòstra espècia amb d’autras —coma Neandertal— provoquèt son extincion —e mai s’ara ja se sap qu’Homosapienssapiens e Neandertal demorèron amassa fins a 50 000 annadas—.
Dins la cauna de Liang Bua s’es trobat de dents mai grandas que las de l’espècia Homofloresiensis. Aquò voliá dire que l’òme modèrne visquèt a l’epòca de l’Obit. Mas quant de temps?
La còla de l’estudi, amb Richard Roberts, de l’Universitat de Wollongong, en Austràlia, confirma que nòstra espècia foguèt una causa dirècta de l’extincion d’Homo floresiensis. Tanben, e mai i aja pas unanimitat scientifica per creire qu’aquestas dents pòscan èsser d’umans modèrnes —qualques unes pensan que poirián èsser d’Homosapiens o tanben d’Homoerectus pr’amor que son fòrça primitivas —, Roberts e sos collègas dison que lo fach es clar.
D’autras pròvas serián l’extincion a aquela meteissa epòca d’animals coma la cigonha giganta, de l’estegodont (de la familha anciana dels elefants) e dels voltors, que van pas mai luènh que los depauses de 46 000 ans. L’arribada d’Homo sapiens provoquèt una lucha per la subrevivéncia que finiguèt que tuèt l’Obit. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pot ser que las lutas entre las raças fossen terriblas, mas pas mai qu' ara amb las guerras qu' es fan entre los homo sàpiens.
#6 los indians de las Americas an pas disparegut, que se son per una grossa part mesclats e mestissats amb los envaïsseires de raça latina e que los yankees li an donat una segonda vida dins los filmes de cow boys après los aver embarrats dins de reservas, l'istorian Jean Meyer explica ben dins un libre recent "la fin des empires"coma dispareguèt l'empèri mexican atzèc, toty bèu just fondat, aquest empèri se veguèt confrontat a una secaressa terribla que foguèt interpretada coma una venjança dei dieus e dins lo temple de la divinitat agrària Tlaloc sacrifiquèron de 20 a 80 000 victimas de qualitat, a saubre de presoniers de guerra, dins aquest empèri, la guerra aviá de règlas estrictas e serviá subre tot per capturar de guerriers destinats a ésser sacrificats e aital l'empèri atzec s'espandissiá d'una annada a l'autra e Cortès amb sos tres cents sordats espanols faguèt d'aliança amb los pobles destinats al sacrifici e instaurèt una societat pas tan crudèla, crestiana que li donèt per fondamentas las mesclas dels sangs, maridatge entre espanhols e noblessa indiana...
A vostre vejaire, cossi, diguèm, los Indians de las Americas an desaparegut ? Oc, cossi ? Dins aquèles ipotèsis de cercaires e scientifics om es sovent a se demandar ont passa la bolièira entre la naïvetat bestiosa e l'ipocrisia politicament corrècta.
E mai tot plan mesurat d'Homo floresiensis, lo "Hobbit" val encara mai... se la H anglesa es pas sentida es pasmens sota-ausida tan plan en occitan coma en francés.
E parli pas del gascon...
Coneissi un pauc l'Hobbit de J.R.R. Tolkien , mas coneissiai pas l"Obit" del Jornalet...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari