Actualitats
Còp de capèl de Putin a Fillon
Lo president de Russia faguèt dimècres passat l’elògi de l’èx-primièr ministre de França candidat a las primàrias de drecha per l’eleccion presidenciala
Lo president de Russia, Vladimir Putin, faguèt dimècres passat l’elògi de l’èx-primièr ministre de França, François Fillon, candidat a las primàrias de drecha per l’eleccion presidenciala, çò rapòrta Reuters. Es un “grand professional”, çò diguèt.
Putin saludèt lo fach que Fillon poiriá arribar d’èsser president de la Republica Francesa s’es lo candidat mai votat al segond torn d’aquelas primàrias organizadas pel primièr còp per la drecha, que se tendrà aqueste dimenge que ven, 27 de novembre.
Sembla que Fillon a fòrça probabilitats de venir lo candidat drechista per las eleccions presidencialas de 2017. Sa victòria al primièr torn se confirmèt de biais espectaclós delà las previsions dels sondatges. L'escomesa del Cremlin per França èra fins ara Marine Le Pen, mas Putin es realista e conscient qu’al segond torn de las presidencialas la cap del Front Nacional poiriá èsser batuda per Fillon, e Moscòu ara reconeis que Fillon li agrada mai que la frontista.
Un candidat ultraconservator e neoliberal
Contràriament a Alain Juppé, que se vòl donar un imatge de moderat amb lo sosten del cònsol centrista de Pau François Bayrou, François Fillon a un programa mai dur, amb un alongament de la durada de la setmana de trabalh dels foncionaris e la supression de mai de 500 000 emplecs dins la foncion publica. En 1982, ja deputat, votèt contra la despenalizacion de l’omosexualitat, e se mostrèt fòrça ostil a la dobertura del maridatge als omosexuals jos la presidéncia Hollande. Fa qualques meses, justifiquèt la colonizacion, e es tanben conegut per son ostilitat a las lengas dichas regionalas.
Putin saludèt lo fach que Fillon poiriá arribar d’èsser president de la Republica Francesa s’es lo candidat mai votat al segond torn d’aquelas primàrias organizadas pel primièr còp per la drecha, que se tendrà aqueste dimenge que ven, 27 de novembre.
Sembla que Fillon a fòrça probabilitats de venir lo candidat drechista per las eleccions presidencialas de 2017. Sa victòria al primièr torn se confirmèt de biais espectaclós delà las previsions dels sondatges. L'escomesa del Cremlin per França èra fins ara Marine Le Pen, mas Putin es realista e conscient qu’al segond torn de las presidencialas la cap del Front Nacional poiriá èsser batuda per Fillon, e Moscòu ara reconeis que Fillon li agrada mai que la frontista.
Un candidat ultraconservator e neoliberal
Contràriament a Alain Juppé, que se vòl donar un imatge de moderat amb lo sosten del cònsol centrista de Pau François Bayrou, François Fillon a un programa mai dur, amb un alongament de la durada de la setmana de trabalh dels foncionaris e la supression de mai de 500 000 emplecs dins la foncion publica. En 1982, ja deputat, votèt contra la despenalizacion de l’omosexualitat, e se mostrèt fòrça ostil a la dobertura del maridatge als omosexuals jos la presidéncia Hollande. Fa qualques meses, justifiquèt la colonizacion, e es tanben conegut per son ostilitat a las lengas dichas regionalas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se parla mesme pus de l'esquera ? Plan segur, per amor que l'esquèrra en Euròpa, existís pas mai que sul papièr, e pas sul papièr oficical dels tractats europèus !!!
Cal luitar amb finesa contra Filhon e contra la dreta viga d'ont viga.
E viva la dreicha!
Putin a lo dreit de trobar en Fillon un bon candidat.
Mas tròba quand mesme que Jornalet parla pas belcòp de Troadec o d'un programme politic occitaniste. Se parla mesme pus de l'esquera. Quò es pas en parlar de la dreicha, dau front nacionau que l'òm vai avançar la causa occitana. Quò es en parlan de çò que l'òm vòl, de çò que l'òm es que l'occitanisme porra avançar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari