Actualitats
Turquia menaça l’UE de dobertura de las frontièras als refugiats
Dijòus passat, lo Parlament Europèu demandèt de gelar las negociacions per l'adesion de Turquia a l'UE
Lo president turc, Recep Tayyip Erdoğan, menacèt aqueste divendres passat de dobrir las frontièras e permetre lo passatge dels refugiats devèrs Euròpa. Aquela declaracion se produsiá l’endeman que lo Parlament Europèu demandèt de gelar las negociacions per l’adesion de Turquia a l'UE, coma responsa a la repression “desproporcionada” del govèrn turc après lo còp d’estat mancat de julhet. “Escotatz-me plan. S'anatz tròp luènh, aquelas frontièras se dobriràn. Metètz-vos aquò dins lo cap”, çò diguèt Erdoğan.
“Nosautres noirissem 3,5 milions de refugiats, mentre que vosautres complissètz pas las vòstras promessas”, çò apondèt lo president en referéncia al pache signat en març entre Turquia e l'UE. Aquel acòrdi amb Turquia compreniá qu'aquel país recebriá 3 miliards d'èuros coma ajuda umanitària e que Turquia s’engatjariá a velhar sus la seguretat de las frontièras. L’UE s’engatgèt tanben a accelerar las negociacions d’adesion de Turquia a l’Union Europèa.
Signe de las tensions entre Ankara e l’UE, Erdoğan evoquèt fa gaire l’opcion d’un referendum per perseguir o non lo procès d’adesion a l’UE e un possible raprochament amb l’Organizacion de Cooperacion de Shanghai (OCS) copairinada per China e Russia.
“Nosautres noirissem 3,5 milions de refugiats, mentre que vosautres complissètz pas las vòstras promessas”, çò apondèt lo president en referéncia al pache signat en març entre Turquia e l'UE. Aquel acòrdi amb Turquia compreniá qu'aquel país recebriá 3 miliards d'èuros coma ajuda umanitària e que Turquia s’engatjariá a velhar sus la seguretat de las frontièras. L’UE s’engatgèt tanben a accelerar las negociacions d’adesion de Turquia a l’Union Europèa.
Signe de las tensions entre Ankara e l’UE, Erdoğan evoquèt fa gaire l’opcion d’un referendum per perseguir o non lo procès d’adesion a l’UE e un possible raprochament amb l’Organizacion de Cooperacion de Shanghai (OCS) copairinada per China e Russia.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
l'UE li dona diners perquè guardi los emigrants mas pas per acabar la guerra de l'Imperi del mal que fa a Síria
la question maja es de saubre se la Turquia a reçauput lei 3 miliards d'euros promes per l'Europa o non per noirir lei refugiats, se los a recebut, que se taise, senon l'Europa coneja un cop de mai, una mosaïca d'estats impotents que vol pas prene las solas mesuras eficaças per metre fin a l'ondada migratoria dei refugiats economics vengts d'Asia e subretot d'Africa, ,una força armada navala que reculhissonlei naufrajats e remandèsson quant-e-quant las embarcacions poiridas d'onte venon en Libia e endacom, mai non, ara lei traficants d'esclaus telefonan a la marina de guerra italiana : "vuei vos largarem quinze batèus deglesits, venetz lèu repescar los que se negaràn quora las barcassas se prefondaràn" e aquo fai que legissem que tal jorn quinze vèissels de guerra iitalians an agut reculhit quauque 10 000 naufrajats !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari