Actualitats
De pompièrs palestinians son anats ajudar a combatre los grèus incendis que crèman dins l’estat d’Israèl
Lo primièr ministre israelian a mercejat del gèst l'Autoritat Palestiniana mejançant una telefonada a Mahmud Abbas
Lo primièr ministre israelian, Benjamin Netanyahu, mercegèt dissabte passat per telefòn lo president de l’Autoritat Nacionala Palestiniana, Mahmud Abbas, per lo mandadís de còlas de pompièrs per ajudar a combatre los incendis que crèman lo país. Segon un comunicat del burèu del primièr ministre de l’estat d’Israèl, Netanyahu prèsa que tant d’arabis coma de josieus ajan dobèrt lor ostal per aculhir las victimas dels incendis.
Dijòus passat, l’Autoritat Nacionala Palestiniana envièt uèch camions de pompièrs per ajudar las autoritats israelianas a amortir los grands incendis qu'afèctan la region d’Haifa, qu'an consumit mai de dos mila ectaras e qu'an obligat d’evacuar un quart de la populacion d’Haifa.
Dins la nuèch de divendres a dissabte, los palestinians mandèron doas còlas de mai, que provenián de Ramallah, per ajudar a l’extincion del fuòc de l’installacion josieva d’Halamish.
L’extrèma secada e los vents fòrts contunharàn fins a dimars, çò que provòca de dificultats per combatre los incendis que se son multiplicats fins a l’entorn de Jerusalèm e d’Harashim e long de tota la region d’Haifa.
L’Autoritat Nacionala Palestiniana
Fruch dels acòrdis de patz d’Òslo, l’Autoritat Nacionala Palestiniana es una organizacion administrativa interimària establida en 1994. Ten un president e una assemblada elegida al sufragi universal, una polícia e de representants dins mai d’un país e s’ocupa sustot dels afars civils e de la seguretat dins cèrts airals dels territòris de Gaza e de Cisjordania.
Dijòus passat, l’Autoritat Nacionala Palestiniana envièt uèch camions de pompièrs per ajudar las autoritats israelianas a amortir los grands incendis qu'afèctan la region d’Haifa, qu'an consumit mai de dos mila ectaras e qu'an obligat d’evacuar un quart de la populacion d’Haifa.
Dins la nuèch de divendres a dissabte, los palestinians mandèron doas còlas de mai, que provenián de Ramallah, per ajudar a l’extincion del fuòc de l’installacion josieva d’Halamish.
L’extrèma secada e los vents fòrts contunharàn fins a dimars, çò que provòca de dificultats per combatre los incendis que se son multiplicats fins a l’entorn de Jerusalèm e d’Harashim e long de tota la region d’Haifa.
L’Autoritat Nacionala Palestiniana
Fruch dels acòrdis de patz d’Òslo, l’Autoritat Nacionala Palestiniana es una organizacion administrativa interimària establida en 1994. Ten un president e una assemblada elegida al sufragi universal, una polícia e de representants dins mai d’un país e s’ocupa sustot dels afars civils e de la seguretat dins cèrts airals dels territòris de Gaza e de Cisjordania.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A las bonas,quan es possible, s'aconsegueissen mai causas que a las malas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari