Actualitats
Per François Hollande, “lo francés es la lenga de la rason, de la libertat, de l’emancipacion”
Çò diguèt lo president francés dins l’encastre de la 16a Cima de la Francofonia en Madagascar
“Lo francés es la lenga de la rason, de la libertat, de l’emancipacion”, çò diguèt lo president de França, François Hollande, dins l’encastre de la 16a Cima de la Francofonia que se tenguèt aquesta dimenjada a Antananarivo (Madagascar). “Perque es en francés que l’universalitat dels Dreches de l’Òme e del Ciutadan foguèt proclamada. E aquò los fanatics o accèptan pas”, çò rasonèt Hollande.
A la Cima de la Francofonia participèron d’organizacions regionalas, internacionalas, 30 caps d’estat e de representants d’ochanta estats ont lo francés es lenga d’influéncia.
E mai se, dins lo mond francofòn, aquelas declaracions son vistas coma justas, dins los rets socials son interpretadas coma supremacistas e quitament racistas.
Dins lo vidèo que seguís, podètz veire lo discors integral d’Hollande:
"Le Français est la langue de la raison, de la liberté, de l'émancipation" — le président @fhollande au #SommetMada16pic.twitter.com/9lTdeJqLvB
— Élysée (@Elysee) 26 de novembre de 2016
A la Cima de la Francofonia participèron d’organizacions regionalas, internacionalas, 30 caps d’estat e de representants d’ochanta estats ont lo francés es lenga d’influéncia.
E mai se, dins lo mond francofòn, aquelas declaracions son vistas coma justas, dins los rets socials son interpretadas coma supremacistas e quitament racistas.
Dins lo vidèo que seguís, podètz veire lo discors integral d’Hollande:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#10 Pensi coma tu, Francesc. El menspretz per las lengas es total dins la santíssima trinitat jacobina, es a dir 'França', 'Espanha' e 'Italia'. Un francés de drecha es lo meteis qu'un francés d'esquerra. Son franceses. O espanhòls. O italians. Es lo nacionalisme opressor. L'autre es lo nacionalisme emancipador (breton, occitan, sard, galèc, còrs, bascò, catalan, friolan...)
La confederacion elvetica es una altra granda messorga:
1) Lo romanch es pas juridicament equiparat a l'alemand, al 'francés' e a l'italian.
2) Dins gaireben tot l'airal del 'francés' la lenga pròpria es pas lo francés, mas l'arpetan. Donan gat per conilh o fan lo jòc del pal e la pastanaga.
Per d'unes « lo francés es la lenga de la rason, de la libertat, de l'emancipacion », segur. Per d'autres non. Per d'une « l'occitan es la lenga de la convivéncia e del paratge », per d'autres non. Cadun tròba a sa lenga las qualitats que li son caras, coma los amoroses a lors amant(a)s.
Basta que vejan pas dins una autra lenga « la de la desrason, de l'esclavatge e de asserviment ».
Joan Carles: lo castellan "ESPANHOL" es la lenga de la libertat, ninguen ha estat mai discriminat per aquesta lenga,...... La mateissa causa amb las mateissas messurgas.
#8
*remembran
Sortit del contèxte, aqueles termes remembra los d'un certan rapòrt portat per un certan abat davant la Convencion en 1793 o 1794...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari