Actualitats
Iniciativa per Occitània a començat una campanha per revendicar l’occitanitat de totes los parçans del país
“Convidam nòstres compatriòtas e totes los amics de nòstre país a partejar sus los rets socials e endacòm mai aqueles imatges per que digam ensems: «Aicí tanben es Occitània!»”
Iniciativa per Occitània a començat una campanha per revendicar l’occitanitat de totes los parçans del país que se tròban pas dins la region qu’a pres lo nom d’Occitània. S’agís de simples imatges que corron suls rets socials en tot revendicar l’occitanitat de divèrsas vilas e parçans: “Aicí tanben en Vivarés es Occitània”, “Aicí tanben en Comtat de Niça es Occitània”, “Aicí tanben en Provença es Occitània”, “Aicí tanben a Marselha es Occitània”... Los imatges incorporan la traduccion dels eslogans en francés e lo drapèl del parçan o vila mençonats.
“Volèm afirmar amb fòrça qu'aimam e defendèm amb lo meteis estrambòrd tota Occitània, del nòrd al sud e de l'oèst a l'èst”, çò ditz lo comunicat d’Iniciativa per Occitània. “Per ansin avèm bandit despuèi qualques jorns, a partir de nòstra campanha Facebook, una campanha per afortir que cada territòri occitan tanben es Occitània”, çò precisa lo laboratòri politic.
Totun, e mai se publicarà cada jorn un imatge suls rets socials, la còla d’Iniciativa per Occitània, a la demanda de la redaccion de Jornalet, nos an mandat totes los imatges per los metre a disposicion dels legeires, per que sián descargats e viren pertot.
“Volèm afirmar amb fòrça qu'aimam e defendèm amb lo meteis estrambòrd tota Occitània, del nòrd al sud e de l'oèst a l'èst”, çò ditz lo comunicat d’Iniciativa per Occitània. “Per ansin avèm bandit despuèi qualques jorns, a partir de nòstra campanha Facebook, una campanha per afortir que cada territòri occitan tanben es Occitània”, çò precisa lo laboratòri politic.
Totun, e mai se publicarà cada jorn un imatge suls rets socials, la còla d’Iniciativa per Occitània, a la demanda de la redaccion de Jornalet, nos an mandat totes los imatges per los metre a disposicion dels legeires, per que sián descargats e viren pertot.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Polidas aferratinas per far pedagogia.
Aquí tanben en bordales, ES Occitània.
Per çò d'Occitània que seré la nacion mei granda shens estat d'Euròpa, aquò's un polit pantalh. Enfin, la definicion de nacion s'a de questionar. Pasmens una nacion shens la consciéncia politica deus sons poblants pensi n'es pas vertadeirament acabada. E per çò de la consciéncia politica deus poblants d'Occitània....
#12 Dintre la vila de Mónegue i a la tradicion de parlar occitan au costat dau ligur. Es pas necessari d'invocar Menton e Ròbabruna. Cessatz de donar de leiçons, Hobbit, e estudiatz seriosament.
#12 Es ansin que se disem
#12 E vos, qu'avètz d'actual?
Qui a dich que CALIÁ èsser "actual"?
Parlar d'un aficha al grafisme modèrn, que defend una lenga e una cultura sus tot son territòri, ne parlar sus un jornal en linha, aquò's pas pro "actual"?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari