Actualitats
La primària de la drecha francesa sosten lo discors pus radical
Fillon candidat dels Republicans a l’Elisi. Alain Juppé a reconegut sa desbranda e a felicitat son rival politic e a desirat “bon astre a França”
François Fillon a ganhat de longa tòca lo segond torn de la primària presidenciala de la drecha francesa amb lo 69% dels vòtes. Fillon serà aital lo candidat del partit drechista nomenat Los Republicans a l’eleccion presidenciala que se debanarà al primièr torn lo 23 d’abril que ven, e al segond lo 7 de mai.
Aquela enòrma victòria davant lo deputat-cònsol de Bordèu Alain Juppé, qu’èra lo favorit dels sondatges, s’explica, en bona part, per la causida de l’èx-president Nicolas Sarkozy, qu’après èsser eliminat dins lo primièr torn diguèt publicament que votariá per Fillon.
De fach, Sarkozy compensèt l’umiliacion bèla d’aquel primièr torn, en felicitant Fillon publicament abans la fin de l’escrutini.
Un candidat ultraconservator
Fillon, que foguèt lo primièr ministre pendent la presidéncia de Sarkozy, a expausat un programa “radical” amb un alongament de la durada de la setmana de trabalh dels foncionaris e la supression de mai de 500 000 emplecs dins la foncion publica. En 1982, ja deputat, votèt contra la despenalizacion de l’omosexualitat, e se mostrèt fòrça ostil a la dobertura del maridatge als omosexuals jos la presidéncia Hollande. Fa qualques meses, justifiquèt la colonizacion, e es tanben conegut per son ostilitat a las lengas dichas regionalas. Tanben pensa que l’avortament es pas un drech fondamental.
De son costat, Juppé se voliá reformista mas “sens la brutalitat” de Fillon que considèra qu’es “tròp dur” e que “pòt menar a un blocatge de la societat francesa”. El afirmava que suprimir mièg milion d’emplecs “es impossible” e prepausava de ne reduire solament 250 000.
“Bon astre a França”
Juppé felicitèt son rival, e anoncièt que quitariá la politica a l’escala estatala. “Me vau consagrar plenament a ma tasca de cònsol de Bordèu, que m’a donat e me dona tant de jòia”, çò diguèt. En mai d’aquò, Juppé se considerèt aürós “d’aver encara pogut parlar als franceses tot lo long d’aquela campanha”, e concluguèt en desirant “bon astre a França”.
Probable president de la Republica francesa
Aquelas primàrias son plan importantas pr’amor que, en vesent l’infima popularitat d’Hollande, es fòrça probable que los ciutadans de la Republica francesa que voldràn votar, se vejan obligats de causir entre Fillon e la candidata del Front Nacional, e doncas François Fillon a fòrça probabilitats de venir lo president.
Aquela enòrma victòria davant lo deputat-cònsol de Bordèu Alain Juppé, qu’èra lo favorit dels sondatges, s’explica, en bona part, per la causida de l’èx-president Nicolas Sarkozy, qu’après èsser eliminat dins lo primièr torn diguèt publicament que votariá per Fillon.
De fach, Sarkozy compensèt l’umiliacion bèla d’aquel primièr torn, en felicitant Fillon publicament abans la fin de l’escrutini.
Retrouvez ma déclaration suite à la victoire de @FrancoisFillon. pic.twitter.com/u2Uhx7e3SM
— Nicolas Sarkozy (@NicolasSarkozy) 27 de novembre de 2016
Un candidat ultraconservator
Fillon, que foguèt lo primièr ministre pendent la presidéncia de Sarkozy, a expausat un programa “radical” amb un alongament de la durada de la setmana de trabalh dels foncionaris e la supression de mai de 500 000 emplecs dins la foncion publica. En 1982, ja deputat, votèt contra la despenalizacion de l’omosexualitat, e se mostrèt fòrça ostil a la dobertura del maridatge als omosexuals jos la presidéncia Hollande. Fa qualques meses, justifiquèt la colonizacion, e es tanben conegut per son ostilitat a las lengas dichas regionalas. Tanben pensa que l’avortament es pas un drech fondamental.
De son costat, Juppé se voliá reformista mas “sens la brutalitat” de Fillon que considèra qu’es “tròp dur” e que “pòt menar a un blocatge de la societat francesa”. El afirmava que suprimir mièg milion d’emplecs “es impossible” e prepausava de ne reduire solament 250 000.
“Bon astre a França”
Juppé felicitèt son rival, e anoncièt que quitariá la politica a l’escala estatala. “Me vau consagrar plenament a ma tasca de cònsol de Bordèu, que m’a donat e me dona tant de jòia”, çò diguèt. En mai d’aquò, Juppé se considerèt aürós “d’aver encara pogut parlar als franceses tot lo long d’aquela campanha”, e concluguèt en desirant “bon astre a França”.
Probable president de la Republica francesa
Aquelas primàrias son plan importantas pr’amor que, en vesent l’infima popularitat d’Hollande, es fòrça probable que los ciutadans de la Republica francesa que voldràn votar, se vejan obligats de causir entre Fillon e la candidata del Front Nacional, e doncas François Fillon a fòrça probabilitats de venir lo president.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La dreta e l'extrema dreta se tocan.
Los portugueses an aquela dicha: "De Espanha nem bom vento nem bom casamento".
Cal çaquelà precisar que, contrarament a çò que dison los jornalistas, Fillon es pas estat causit pel pòple mas per 3% del còrs electoral. Aquò vòl dire que 97% dels electors l'an pas causit. Alara cal pas tanpauc estar tròp pessimista.
Degun sap si Fillon o Le Pen sera lo futrur president de la Republica. Dire aquò qu'es partir battut d'avança. L'òm incrusta desjà dins la testa, (dins l'ADN) de l'electorat qu'i auria que queus dos candidats.
Es vertat que dau costat de l'esquerra, daus écologistes e d'autres l 'òm es en manca de proposicions.
Es lo cas daus occitanistes e autres territorialistes que devrian comptar que sus ilh-mesme e s'assemblar per far la Franca autrament, per rompre emben una politica colonialista en dedins coma en defòra de l'exagòne, per cassar una politica anti democratica, anti-sociala, anti-ecologica e per balhar una plaça mai granda a l'esvelh de la consciença que monta.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari