Actualitats
Russia poiriá installar una basa militara sus la còsta de Libia
Segon çò que s’especula après la reünion del General Haftar a Moscòu
Lo General Khalifa Belqasim Haftar, comandant de l’autoproclamada Armada Nacionala de Libia (LNA) que contraròtla las regions de l’èst d’aquel estat nòrd-african vesitèt Moscòu diluns passat, segon çò que rapòrta Geopolítica.cat. S’agís del segond còp qu’Haftar vesita Russia dins los darrièrs sièis meses.
Durant aquela reünion aurián parlat de l’eventuala installacion d’una basa militara russa sus la còsta de Bengazi, contenent d’unitats navalas, totjorn segon Geopolítica.cat, que mençona la revista Debka file, restacada als servicis secrets de l’estat d’Israèl. En contrapartida, Putin poiriá ofrir a Haftar “d’avions de combat, d’elicoptèrs d’ataca, de veïculs blindats, de missils e de supòrt aerian per la lucha contra l’Estat Islamic”.
Segon aquelas publicacions, es tròp lèu per saber se la proposicion de Moscòu a Libia es una reaccion a l’eleccion de Donald Trump coma president dels Estats Units, que suggerissiá d’agir ensems en Orient Mejan, o ben se Russia profiècha del periòde de transicion estatsunidenc per prene una posicion mai favorabla. Pasmens, “los avions russes pargats a la basa d’Hmeymim [que Russia ten en Siria] son capables de cobrir una distància de 1500 quilomètres fins en Libia, del temps que lo pòrtavions rus Amirall Kuznetsov es ancorat près de la còsta mediterranèa de Siria: totes dos son, doncas, disponibles per d’operacions militaras de sosten al general libian”, çò ditz Debka file.
Se se confirmava la creacion d’aquela basa russa a Libia, “l’estat espanhòl perdriá un de sos clients màgers al pòrt de Sabta”, çò apond Geopolítica.cat, que conclutz que genèra una intrada importanta d’argent “a d’entrepresas amigas del Partit Popular”.
Durant aquela reünion aurián parlat de l’eventuala installacion d’una basa militara russa sus la còsta de Bengazi, contenent d’unitats navalas, totjorn segon Geopolítica.cat, que mençona la revista Debka file, restacada als servicis secrets de l’estat d’Israèl. En contrapartida, Putin poiriá ofrir a Haftar “d’avions de combat, d’elicoptèrs d’ataca, de veïculs blindats, de missils e de supòrt aerian per la lucha contra l’Estat Islamic”.
Segon aquelas publicacions, es tròp lèu per saber se la proposicion de Moscòu a Libia es una reaccion a l’eleccion de Donald Trump coma president dels Estats Units, que suggerissiá d’agir ensems en Orient Mejan, o ben se Russia profiècha del periòde de transicion estatsunidenc per prene una posicion mai favorabla. Pasmens, “los avions russes pargats a la basa d’Hmeymim [que Russia ten en Siria] son capables de cobrir una distància de 1500 quilomètres fins en Libia, del temps que lo pòrtavions rus Amirall Kuznetsov es ancorat près de la còsta mediterranèa de Siria: totes dos son, doncas, disponibles per d’operacions militaras de sosten al general libian”, çò ditz Debka file.
Se se confirmava la creacion d’aquela basa russa a Libia, “l’estat espanhòl perdriá un de sos clients màgers al pòrt de Sabta”, çò apond Geopolítica.cat, que conclutz que genèra una intrada importanta d’argent “a d’entrepresas amigas del Partit Popular”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cada dia las forças sirianas aliberan a mai ciutadans d' Aleb: 19.000. Los terroristas havien agafat als ciutadans d'Alep e los empravan coma escuts humans.,e se volien sortir del setge los mataven.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari