Actualitats
San Francisco: an piratat lo servici del camin de fèrre en exigissent un rescat
L’ataca dobriguèt las pòrtas d’accès als cais, bloquèt las maquinas de venda de bilhetas e metèt fòra foncionament los ordenadors de la societat que gerís lo servici
Lo sistèma e los ordenadors del servici del camin de fèrre municipal de San Francisco (Estats Units) foguèron piratats pendent la dimenjada passada. L’ataca daissèt fòra servici las maquinas de venda de bilhetas e forcèt la dobertura de las pòrtas d’accès als cais. Los ordenadors de la societat MUNI, que gerís lo servici, demorèron saturats tot aquel temps en tot mostrar sus l’ecran lo messatge: “Sètz piratats. Totas las donadas son encriptadas. Prenètz contacte per lo mot de Santa Clara”.
Los piratas demandèron un rescat de 100 bitcoins (aperaquí 69 500 èuros) que deviá èsser mandat a l’adreiça e-mail que mostravan los ecrans piratats, çò rapòrta The Examiner.
La societat MUNI a dobèrt una enquèsta, segon çò que diguèt son pòrtavotz Paul Rose, sens bailar d’autres detalhs.
Lo servici ferroviari patiguèt cap d’incident.
Los piratas demandèron un rescat de 100 bitcoins (aperaquí 69 500 èuros) que deviá èsser mandat a l’adreiça e-mail que mostravan los ecrans piratats, çò rapòrta The Examiner.
La societat MUNI a dobèrt una enquèsta, segon çò que diguèt son pòrtavotz Paul Rose, sens bailar d’autres detalhs.
Lo servici ferroviari patiguèt cap d’incident.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari