Actualitats
L’IEA-AALO a demandat al president de Catalonha l’internacionalizacion de l’acadèmia aranesa
Puigdemont mostrèt fòrça interès per l’acadèmia e l’importància qu’a per l’occitan e quitament per Catalonha e manifestèt tot lo sosten de besonh per desvolopar l’institucion
Lo president de la Generalitat de Catalonha, Carles Puigdemont, recebèt divendres passat, 25 de novembre, lo burèu de l’Institut d’Estudis Araneses, Acadèmia Aranesa de la Lenga Occitana (IEA-AALO), que presentèt al president l’organisme, sos principis, son estructura, lo procès de creacion, lo biais de trabalhar... e li bailèt qualques exemplars de sas publicacions, çò rapòrta l’agéncia aranesa Arténher.
L’IEA-AALO demandèt al president que los ajudèsse a l’internacionalizacion de l’acadèmia per mejan de l’inclusion dins las estructuras de l’administracion de la Generalitat qu’an una dimension internacionala. De son costat, Puigdemont mostrèt fòrça interès per l’acadèmia e l’importància qu’a per l’occitan e quitament per Catalonha e manifestèt tot lo sosten de besonh per desvolopar l’institucion. Dins las convèrsas lo president demostrèt que coneissiá plan ben la realitat d’Occitània e de l’occitan.
Pendent la reünion se perpensèt sul ròtle de la lenga occitana en Catalonha, e se tenguèt quitament un debat sul fach que la proteccion de la lenga nòstra ofrís a Catalonha l’escasença d’èsser presentada al Mond coma un exemple de respècte de las minoritats.
L’IEA-AALO demandèt al president que los ajudèsse a l’internacionalizacion de l’acadèmia per mejan de l’inclusion dins las estructuras de l’administracion de la Generalitat qu’an una dimension internacionala. De son costat, Puigdemont mostrèt fòrça interès per l’acadèmia e l’importància qu’a per l’occitan e quitament per Catalonha e manifestèt tot lo sosten de besonh per desvolopar l’institucion. Dins las convèrsas lo president demostrèt que coneissiá plan ben la realitat d’Occitània e de l’occitan.
Pendent la reünion se perpensèt sul ròtle de la lenga occitana en Catalonha, e se tenguèt quitament un debat sul fach que la proteccion de la lenga nòstra ofrís a Catalonha l’escasença d’èsser presentada al Mond coma un exemple de respècte de las minoritats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A Lengadoc? Dilhèu serie mès oportun eméter des de Catalonha. Eth catalan ei mès pròplèu ath lenguadocian qu'eth gascon, era lengua estranha, coma l'aperauen es provençaus.
Lo que seria força bon,seria que dempuèi la Val d'Aran es pogués emetre emissions de television dirigidas a la Gascunya e lo Lengadoc.
Per astre, avèm de possibilitats aital de sortir e per de dignitat. Perqué es pas amb çò que va venir en França -al nivèl politic- que semblam segurs d'avançar per la lenga occitana.
Qué i es se pièger que las mensòrgas Miterrandianas e Hollandianas per l'occitan? Ren. Justament. Ren de tot per l'occitan...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari