Actualitats
Prepausan de crear un fons europèu de la defensa
Amb un budget inicial de 25 milions d’èuros dins lo budget de 2017, que deu arribar als 90 milions en 2020, l’iniciativa poiriá èsser lo primièr pas devèrs la creacion d’una armada europèa
La Comission Europèa (CE) a prepausat de crear un fons europèu de la defensa “per melhorar la capacitat de defensa dels estats membres, per finançar una proteccion comuna e l'indústria militara”. Concretament, lo fons permetrà de “finançar l'investiment dins la recèrca e lo desvolopament comun de tecnologias e esquipaments” amb una linha iniciala de 25 milions d’èuros dins lo budget de 2017, que la CE espèra qu’arribe als 90 milions en 2020. A partir d’aquel an, la tòca de Brussèlas es que lo programa de recèrca en defensa tenga 500 milions d’èuros per an. La CE tanben vòl encoratjar la crompa comuna d’esquipaments militars coma de drònes o d'elicoptèrs en mobilizant aperaquí 5 miliards d’èuros per an.
“Per garentir nòstra seguretat collectiva, nos cal investir dins lo desvolopament en comun de tecnologias e esquipaments d’importància estrategica, anant de capacitats espacialas, maritimas, aerianas e terrèstras fins a de questions restacadas a la ciberseguretat”, çò a assolidat lo president de la CE, Jean-Claude Juncker, dins un comunicat.
Dins aquel sens, Juncker a demandat “mai de collaboracion entre los estats membres” e una “mesa en comun de totas las ressorsas estatalas”. “S'Euròpa s’ocupa pas de sa seguretat, degun o farà pas per nosautres. Çò que nos permetrà de dispausar d’una autonomia estrategica serà una basa industriala de defensa pro innovanta e competitiva”, çò a precisat.
La proposicion presentada aqueste dimècres passat per la Comission Europèa cèrca tanben de promòure l'investiment dins de PME, d’start-ups e d'autres fornidors de l'indústria de la defensa, amb de fonzes estructurals e d’investiment e de ressorsas de la Banca Europèa d’Investiment (BEI). Aital, Brussèlas vòl sosténer “los esfòrces de la BEI per melhorar l’accès al finançament de las cadenas logisticas de la defensa” e “promourà lo cofinançament de l'UE de projèctes d’investiments productius e de modernizacion” d’aquelas cadenas.
Brussèlas vòl tanben que i aja en Euròpa “un mercat de la defensa dobèrt e competitiu qu'ajude las entrepresas qu'opèren fòra lors frontièras estatalas”. Dins aquel sens, la CE vòl que se facilite la participacion transfrontalièra dins los mercats publics del sector de la defensa, amb de nòrmas industrialas adeqüatas e de politicas sectorialas coma de programas especials europèus o la mesa en comun de las prioritats en matèria de defensa.
“Per garentir nòstra seguretat collectiva, nos cal investir dins lo desvolopament en comun de tecnologias e esquipaments d’importància estrategica, anant de capacitats espacialas, maritimas, aerianas e terrèstras fins a de questions restacadas a la ciberseguretat”, çò a assolidat lo president de la CE, Jean-Claude Juncker, dins un comunicat.
Dins aquel sens, Juncker a demandat “mai de collaboracion entre los estats membres” e una “mesa en comun de totas las ressorsas estatalas”. “S'Euròpa s’ocupa pas de sa seguretat, degun o farà pas per nosautres. Çò que nos permetrà de dispausar d’una autonomia estrategica serà una basa industriala de defensa pro innovanta e competitiva”, çò a precisat.
La proposicion presentada aqueste dimècres passat per la Comission Europèa cèrca tanben de promòure l'investiment dins de PME, d’start-ups e d'autres fornidors de l'indústria de la defensa, amb de fonzes estructurals e d’investiment e de ressorsas de la Banca Europèa d’Investiment (BEI). Aital, Brussèlas vòl sosténer “los esfòrces de la BEI per melhorar l’accès al finançament de las cadenas logisticas de la defensa” e “promourà lo cofinançament de l'UE de projèctes d’investiments productius e de modernizacion” d’aquelas cadenas.
Brussèlas vòl tanben que i aja en Euròpa “un mercat de la defensa dobèrt e competitiu qu'ajude las entrepresas qu'opèren fòra lors frontièras estatalas”. Dins aquel sens, la CE vòl que se facilite la participacion transfrontalièra dins los mercats publics del sector de la defensa, amb de nòrmas industrialas adeqüatas e de politicas sectorialas coma de programas especials europèus o la mesa en comun de las prioritats en matèria de defensa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es una bona pensada, mas pas a las ordres de l'Imperi del mal.
Fasam de las armadas, totjorn de las armadas, enguera de las armadas e puran sur los morts qu'aquelas armas fan.
Perque avem besonh de tant d'armadas? Per far una forteressa europeenna, per nommar daus ennemics dau dedins coma daus defora, per far de las zonas centralas e de las perifericas?
A quand que comprendrem que la patz e l'amor son las solas armas que devrian esser autorisadas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari