Actualitats
Catalonha: espelís amb un succès enòrme una campanha per aculhir de migrants e refugiats
Fruch d’un grop de volontaris que se coneguèron dins los camps de refugiats, la campanha ten mai de 15 000 sostens e cèrca de mobilizar la societat e d’interpelar l’administracion
An lançat en Catalonha una campanha per l’aculhença dels migrants e dels refugiats apelada “Casa nostra, casa vòstra” (cò nòstre, çò vòstre). Fruch d’un grop de volontaris que se coneguèron dins los camps de refugiats: “Pauc a cha pauc jonguèrem de complicitats de fòrça personas que volián donar una responsa a la nomenada «crisi migratòria» que viu la Mediterranèa”, çò dison. La campanha espeliguèt amb lo sosten de tres cents ciutadans, associacions e societats e ara ja ten lo sosten de mai de 15 000 personas.
La tòca es de sensibilizar los ciutadans, de los mobilizar e de far una crida a las institucions catalanas per que donen una responsa mai neta e clara al problèma dels refugiats. An previst una tièra d’iniciativas, dont un concèrt multitudinari a Barcelona l’11 de febrièr e una manifestacion lo 18 de febrièr.
Al vidèo promocional participan d’actors, de cantors, d’escrivans e de jornalistas fòrça coneguts, e tanben qualques refugiats, e delà los rets socials, lo sostenon qualques mèdias.
La tòca es de sensibilizar los ciutadans, de los mobilizar e de far una crida a las institucions catalanas per que donen una responsa mai neta e clara al problèma dels refugiats. An previst una tièra d’iniciativas, dont un concèrt multitudinari a Barcelona l’11 de febrièr e una manifestacion lo 18 de febrièr.
Al vidèo promocional participan d’actors, de cantors, d’escrivans e de jornalistas fòrça coneguts, e tanben qualques refugiats, e delà los rets socials, lo sostenon qualques mèdias.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo que cal es acabar la guerra qu' ha armat l'imperi e l' UE, contra un estat reconegut de las Nacions Unidas. L'esquerra sap lo perilh que representa la man d'obra barata, e las ventatjas per los empresaris, de poder fotre una potada al cuol se un trebalhador protesta.
Catalunya terra d'acollida per a tothom. Signo.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari