Actualitats
Lemòtges: manifestacion contra los mautractaments de las bèstias au tuador
Vòlen au mens far evoluar la legislacion en matèria d’abatatge e constrénher a de las practicas que prenhan en compte la natura sensibla de las bèstias
A la sega de las revelacions tant qu’a las practicas de mautractament sus las bèstias au tuador de Lemòtges, mercés ad un coratjós emplejat dau tuador, tres associacions organizèren dissabdes passat, lo 26 de novembre, una manifestacion davant l’ostau de vila emb un passacharrieras a Lemòtges que’massèt 250 personas.
L’i a un mes, l’associacion animalista, L214, aviá fach dau bruch en difusir de las vidèos enregistradas au tuador de Lemòtges desvelant de las vachas abatudas dau temps qu’eran quasi per vedelar, lors vedeus e junjas belament formats gitats vius au deschai ente ‘chaban d’agonizar, un fum d’estordiments mancats, de las bèstias maumenadas a còps d’elecricitat abusius.
Lo CLAMA, L-PEA e L214 credèren donc a manifestar lo 26 de novembre contra quelas practicas malaürosament plan comunas dins los tuadors de França, practicas totparier legalas per çò que concernís l’abatatge de las vachas plenas mas que rebufan lo monde.
Lo jorn de la manifestacion, las representantas de las associacions (Sylvie Ebenstein-Couhault per lo CLAMA, Aurore Lenoir per L-PEA e Brigitte Gothière per L214) fuguèren reçaugudas lonjament per l’adjunch charjat dau tuador, M. Viroulaud. Una elegida EELV las acompanhèt per s’assegurar que la mocion demandada per las associacions seriá marcada a l’òrdre dau jorn au conselh venent.
Segur, manquèren pas de lor parlar dau prestigi de la charn de la vacha lemosina e tanben daus emplecs dau tuador mas las an totparier escotadas e los elegits responguèren a las questions. Lor an fach veire un devís de 350000 euros per remplaçar lo corredor de contencion au pòst d’abatatge per fin de manténer coma se deu las bèstias, reconeissent entau que lo pòst era inadaptat daicianta auei. Lor an tanben dich que s’entresenharián sus las autras practicas reveladas per L214: percentatge de vachas plenas, nombre de personas au pòst d’abatatge, frequéncia daus contraròtles veterinaris…
Las representantas faguèren un compte rendut de l’entrevisda au microfòn davant l’ostau de vila avant lo passacharrieras. Las associacions vòlen au mens far evoluar la legislacion en matèria d’abatatge e constrénher a de las practicas que prenhan en compte la natura sensibla de las bèstias.
La manifestacion fuguèt un succès daus beus. Los militants desfialèren per las charrieras emb daus temps de lyings, eslonjats per lo sòu dau temps que de las credadas de bèstias qu’un tua aus tuadors eran difusats (ganhons, ovelhas, vachas…) dins los naut-parladors. Daus militants tenián daus faus cadavres d’animaus, d’autres eran vestits de tengudas de vacha, emb un fum de plancardas e daus eslogans credats a bela votz, l’occitan èssent tanben representat. Tots vòlen que la societat venha de mai en mai una societat que la sufrença daus animaus en generau, e daus animaus d’elevatge en particular, venha de mens en mens comuna.
Joan-Cristòu Dourdet
L’i a un mes, l’associacion animalista, L214, aviá fach dau bruch en difusir de las vidèos enregistradas au tuador de Lemòtges desvelant de las vachas abatudas dau temps qu’eran quasi per vedelar, lors vedeus e junjas belament formats gitats vius au deschai ente ‘chaban d’agonizar, un fum d’estordiments mancats, de las bèstias maumenadas a còps d’elecricitat abusius.
Lo CLAMA, L-PEA e L214 credèren donc a manifestar lo 26 de novembre contra quelas practicas malaürosament plan comunas dins los tuadors de França, practicas totparier legalas per çò que concernís l’abatatge de las vachas plenas mas que rebufan lo monde.
Lo jorn de la manifestacion, las representantas de las associacions (Sylvie Ebenstein-Couhault per lo CLAMA, Aurore Lenoir per L-PEA e Brigitte Gothière per L214) fuguèren reçaugudas lonjament per l’adjunch charjat dau tuador, M. Viroulaud. Una elegida EELV las acompanhèt per s’assegurar que la mocion demandada per las associacions seriá marcada a l’òrdre dau jorn au conselh venent.
Segur, manquèren pas de lor parlar dau prestigi de la charn de la vacha lemosina e tanben daus emplecs dau tuador mas las an totparier escotadas e los elegits responguèren a las questions. Lor an fach veire un devís de 350000 euros per remplaçar lo corredor de contencion au pòst d’abatatge per fin de manténer coma se deu las bèstias, reconeissent entau que lo pòst era inadaptat daicianta auei. Lor an tanben dich que s’entresenharián sus las autras practicas reveladas per L214: percentatge de vachas plenas, nombre de personas au pòst d’abatatge, frequéncia daus contraròtles veterinaris…
Las representantas faguèren un compte rendut de l’entrevisda au microfòn davant l’ostau de vila avant lo passacharrieras. Las associacions vòlen au mens far evoluar la legislacion en matèria d’abatatge e constrénher a de las practicas que prenhan en compte la natura sensibla de las bèstias.
La manifestacion fuguèt un succès daus beus. Los militants desfialèren per las charrieras emb daus temps de lyings, eslonjats per lo sòu dau temps que de las credadas de bèstias qu’un tua aus tuadors eran difusats (ganhons, ovelhas, vachas…) dins los naut-parladors. Daus militants tenián daus faus cadavres d’animaus, d’autres eran vestits de tengudas de vacha, emb un fum de plancardas e daus eslogans credats a bela votz, l’occitan èssent tanben representat. Tots vòlen que la societat venha de mai en mai una societat que la sufrença daus animaus en generau, e daus animaus d’elevatge en particular, venha de mens en mens comuna.
Joan-Cristòu Dourdet
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los dreches dels animals coneissen pas de frontièras umanas.
Lo melhor es manjar pas de carn, solament ous e let, verduras, fruitas, legums,cereals,vin,cervesa,...
#3 Dins un cas, se parla d'èssers sensibles vius, maltractats e tuats, dins l'autre de fètus, disètz n'impòrta qué, se sètz pas fotuts de far la diferéncia, podèm res per vos.
#2 lo raport es simple : utilizar d'images orribles per defendre una causa, dins un cas seriá licit e dins l'autre seriá passible dei tribunaus, bord que lo govèrn vol proïbir un sit d'internet anti-IVG que mostra d'image analogs d'avortamens o de blessaduras (fausse-couches), aquest cop a contrario. s'avètz pas compres, fètz vos una tisana de comprenèla
#1 Qual es lo rapòrt amb l'avortament? Se parla aicí de bèstias quitament formadas, pas de fètus, avètz vist los imatges de vedèls fotuts al descai? Seriá coma de tirar un nenet del ventre de sa maire a 8,5 meses de grossessa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari