La cap del Partit Pirata d’Islàndia, Birgitta Jónsdóttir, a recebut la mission formala del president de la republica per qu’ensage de formar un govèrn qu’ela ne serà la presidenta. Los piratas demorèron tresens a l’eleccion de fa un mes mas los dos principals partits an mal capitat dins lor temptativa de formar un govèrn e lo president a decidit d’ensajar que sián los piratas qu'articularàn una coalicion.
 
Lo Partit de l'Independéncia temptèt una coalicion de tres partits que capitèt mal e puèi lo partit Roge-Verd n'ensagèt una autra de cinc partits que foguèt tanben una malescasuda.
 
Los Piratas an dètz deputats al parlament islandés e aurián de besonh d’una coalicion de 32 deputats per poder governar, e an doncas anonciat tanben qu'ensajaràn de formar una coalicion amb d’autres partits d’esquèrra.
 
Es lo primièr còp dins l’istòria del Mond qu'un Partit Pirata es oficialament cargat de constituir un govèrn.