Actualitats
Es començat lo jutjament contra Dominic Ongwen, lo general de l’Armada de Resisténcia del Sénher d’Oganda
Raubat per la milícia quand aviá nòu ans, passèt de victima a borrèl e ara es acusat de crimes de guèrra e contra l’umanitat
Lo jutjament contra Dominic Ongwen, lo general de l’Armada de Resisténcia del Sénher d’Oganda (LRA), comencèt ièr a la Cort Penala Internacionala. L’LRA es responsabla de la mòrt d’aperaquí cent mila personas e de la sequestracion d’aperaquí seissanta mila enfants. De fach, Ongwen foguèt raubat en 1988 per aquela milícia, e puèi passèt de victima a borrèl. La justícia l’acusa de crimes de guèrra e contra l’umanitat.
Lo ministèri public ogandés a presentat un setantenat d’acusacions contra Ongwen, tocant las atacas d’un camp de refugiats del nòrd d’Oganda entre los ans 2002 e 2005. Aquelas acusacions comprenon de denóncias per viòl, maridatge forçat, sequestracion infantila, esclavatge sexual e recrutament de menors. La Cort Penala Internacionala se centrarà sus las acusacions de crimes sexuals e de maltractaments de las femnas, un fach sens precedents perque lo tribunal aviá recebudas de criticas per aver negligidas las acusacions d’abuses sexuals.
Lo ministèri public ogandés a presentat un setantenat d’acusacions contra Ongwen, tocant las atacas d’un camp de refugiats del nòrd d’Oganda entre los ans 2002 e 2005. Aquelas acusacions comprenon de denóncias per viòl, maridatge forçat, sequestracion infantila, esclavatge sexual e recrutament de menors. La Cort Penala Internacionala se centrarà sus las acusacions de crimes sexuals e de maltractaments de las femnas, un fach sens precedents perque lo tribunal aviá recebudas de criticas per aver negligidas las acusacions d’abuses sexuals.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fa lagui de veire aquel òme de l'Armada dels Falords del Sénher, passat "de victima a borrèl". Quin jutjament pòt èsser equitable quand sètz pas que çò que la vida a fait de vos?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari