Actualitats
Lo tribunal de Montpelhièr refusa un vidèo que contraditz l’acusacion contra tres joves estudiants
Los estudiants riscan 4 meses de preson amb sosta, per rebellion dins l’encastre d’una manifestacion contra la Lei del Trabalh. Los avocats planhon “que siá pas possible d’assegurar la defensa dins de condicions d’imparcialitat absoluda”
Tres joves estudiants compareguèron ièr davant lo tribunal de Montpelhièr acusats de rebellion, degradacions e/o violéncia sus de policièrs, durant una manifestacion contra la reforma del còde del trabalh que se tenguèt lo 15 de setembre passat.
Lor sòrt serà fixada dimars que ven, 13 de decembre. Lo ministèri public demanda 4 meses de preson amb sosta per cadun d’eles. Cinc policièrs serián estats ferits al cors de l’interpelacion dels tres prevenguts.
Lo tribunal refusa de veire un vidèo dels faches
Los avocats de tres joves estudiants montpelhierencs planhon volguèron far visionar al tribunal un vidèo filmat al moment dels faches. Pasmens, lo tribunal refusèt lo vidèo perque s’èra transmés tròp tardivament e sens demanda motivada.
Sul conselh de lors avocats, los tres prevenguts quitèron la sala d’audiéncia sens assistir al debat. Puèi, un dels avocats planhiá davant las camèras de France 3 la manca de condicions d’imparcialitat.
Lor sòrt serà fixada dimars que ven, 13 de decembre. Lo ministèri public demanda 4 meses de preson amb sosta per cadun d’eles. Cinc policièrs serián estats ferits al cors de l’interpelacion dels tres prevenguts.
Lo tribunal refusa de veire un vidèo dels faches
Los avocats de tres joves estudiants montpelhierencs planhon volguèron far visionar al tribunal un vidèo filmat al moment dels faches. Pasmens, lo tribunal refusèt lo vidèo perque s’èra transmés tròp tardivament e sens demanda motivada.
Sul conselh de lors avocats, los tres prevenguts quitèron la sala d’audiéncia sens assistir al debat. Puèi, un dels avocats planhiá davant las camèras de France 3 la manca de condicions d’imparcialitat.
“Lo tribunal a refusat de visionar aquel vidèo que per nosautres constituís un element a carga determinant pr’amor que contraditz la tèsi de la polícia segon la quala los policièrs se son vistes confrontats a la rebellion d’una tropa de manifestants. Puèi que lo tribunal a refusat de prene en consideracion aqueste element, estimam qu’es pas possible d’assegurar la defensa de nòstres clients dins de condicions d’imparcialitat absoluda”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari