Actualitats
Tolosa: los pompièrs protèstan per lors marridas condicions de trabalh
D’autres pompièrs occitans an jonch la protèsta. E quitament de catalans, que se son faches remarcar
Qualques centenats de pompièrs manifestèron ièr a Tolosa per revendicar de condicions de trabalh melhoras. Protèstan dempuèi qualques setmanas contra “lors missions qu’estiman desviadas, los oraris interminables e la manca de consideracion”, segon çò que rapòrta La Dépêche.
La polícia arrestèt dos pompièrs per aver volgut forçar un barratge amb lor veïcul. Mas al delà d’aquò, e mai se la manifestacion se tenguèt amb fòrça bruch e fumigèns, se passèt sens incidents. A la fin de la jornada la prefectura recebèt una delegacion dels manifestants.
Los pompièrs catalans brandisson l’estelada
Los pompièrs tolosans protèstan dempuèi qualques setmanas, e lor movement de colèra es arribat dins los parçans vesins. La manifestacion d’ièr a Tolosa recampava de pompièrs que provenián de Roergue, de Carcin, de Bigòrra, de Bordalés... e tanben de Catalonha, que sa partida nòrd es incorporada dins la region qu’a pres lo nom d’Occitània.
La delegacion dels pompièrs nòrd-catalans se faguèron remarcar en brandissent lo drapèl independentista catalan (nomenat l’estelada), çò publica VilaWeb, en seguida de las fiuladas que l’adjonch al cònsol de Perpinhan, Brice Lafontaine, publiquèt sus Twitter.
Les catalans particulièrement nombreux. #PompiersTls@petitjournal66@petitjournal31@lindependant@bleuroussillon@Ouilladeeupic.twitter.com/YrXhXehvJM
— Brice Lafontaine (@bricelafontaine) 6 de desembre de 2016
— Brice Lafontaine (@bricelafontaine) 6 de desembre de 2016
15e étage à Toulouse les pompiers catalans se font voir @lindependant#PompiersTlspic.twitter.com/HlmoooaCKP
— Brice Lafontaine (@bricelafontaine) 6 de desembre de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
la manca de consideracion, de segur li podèm enclaure dedins lo calhassatge que ne son victimas lei pompiers dins lei quartiers sensibles que se fan espereigar per de "joines " a l'identitat misteriosa, mai aquo se ditz e se l'escrivi dins un comentari dau jornalet serà amagat en roge que respecta pas las normas basicas d'educacion, de civisme e de dialog ; verai que lo dialog a cops de pèiras es pas causa facila
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari