Actualitats
Tragèdia aeriana dins lo nòrd de Paquistan
Segon qualques testimoniatges, l’avion auriá pres fuòc abans de s’escrachar dins una region montanhosa
Un avion de Pakistan International Airlines (PIA) amb 47 personas a bòrd s’escrachèt ièr pauc après despegar de Chitral, dins lo nòrd de Paquistan. Probablament i aurà pas cap de subrevivent. “Totes los còrses son tan calcinats que se pòdon pas identificar”, çò declarèt un responsable local a Reuters.
Segon qualques testimoniatges, l’avion auriá pres fuòc abans de s’escrachar dins una region montanhosa. L’aparelh fasiá la rota entre Chitral e Islamabad e desapareguèt dels radars près de la vila d’Havelian. Segon d’informacions de la cadena Geo TV, lo pilòt auriá fach un apèl d’urgéncia a la tor de contraròtle abans que se copèsson las comunicacions.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari