Actualitats
Sondatge: Valls demorariá cinquen al primièr torn, del temps que Fillon ganhariá los dos torns de la presidenciala
L’èx-primièr ministre sembla qu'ara a pas gaire d’opcions de venir president, segon un sondatge publicat dimars
L’èx-primièr ministre Manuel Valls sembla qu'ara a pas gaire d’opcions ara de venir president en prenent en compte que, e mai se ganhava las primàrias del PS, demorariá en cinquena posicion al primièr torn de la presidenciala en abril, segon un sondatge publicat dimars.
Lo sondatge d’Ifop-Fiducial per iTele, Paris Match e Sud Radio, fach abans que Valls anoncièsse diluns passat sa candidatura a las primàrias e sa demission, prevei que ganhariá lo candidat dels Republicans, François Fillon, que s’impausariá amb lo 28% dels vòtes.
En segonda posicion demorariá l’ultradrechista Marine Le Pen, que fins ara en general òm considerava que podiá ganhar lo primièr torn, amb lo 24%.
Fòrça aluenhats d’aqueles dos se situarián los candidats de l’esquèrra que, amb lo vòte devisit, amassarián un pauc mai del 30%. Aital, en aquel blòc figura en cap l’èx-ministre Emmanuel Macron, amb lo 13,5%, seguit del cap del Partit d’Esquèrra Jean-Luc Mélenchon, amb lo 12,5% (1,5 ponches de mai).
En cinquena posicion se situariá Valls, amb lo 10% dels vòtes, se ganhava las primàrias socialistas. En cas que lo candidat final foguèsse un dels dos èx-ministres que semblan aver mai d'opcions de s’afrontar a Valls, Arnaud Montebourg e Benoît Hamon, eles obtendrián lo 6% e lo 5% dels vòtes, çò que los plaçariá devèrs la seisena posicion, darrièr lo centrista bearnés François Bayrou, qu’atenheriá entre lo 7 e 9% dels vòtes.
Per quant al segond torn, lo sondatge augura una clara victòria de Fillon sus Le Pen, amb lo 65% dels vòtes fàcia al 35% que l’obtendriá la cap del Front Nacional.
Dins lo scenari ipotetic que Macron arribèsse de passar al segond torn, en prenent en compte qu'es a l'ora d'ara lo candidat d’esquèrra melhor situat, el tanben s’impausariá a Le Pen, amb lo 62% fàcia al 38%.
Lo sondatge d’Ifop-Fiducial per iTele, Paris Match e Sud Radio, fach abans que Valls anoncièsse diluns passat sa candidatura a las primàrias e sa demission, prevei que ganhariá lo candidat dels Republicans, François Fillon, que s’impausariá amb lo 28% dels vòtes.
En segonda posicion demorariá l’ultradrechista Marine Le Pen, que fins ara en general òm considerava que podiá ganhar lo primièr torn, amb lo 24%.
Fòrça aluenhats d’aqueles dos se situarián los candidats de l’esquèrra que, amb lo vòte devisit, amassarián un pauc mai del 30%. Aital, en aquel blòc figura en cap l’èx-ministre Emmanuel Macron, amb lo 13,5%, seguit del cap del Partit d’Esquèrra Jean-Luc Mélenchon, amb lo 12,5% (1,5 ponches de mai).
En cinquena posicion se situariá Valls, amb lo 10% dels vòtes, se ganhava las primàrias socialistas. En cas que lo candidat final foguèsse un dels dos èx-ministres que semblan aver mai d'opcions de s’afrontar a Valls, Arnaud Montebourg e Benoît Hamon, eles obtendrián lo 6% e lo 5% dels vòtes, çò que los plaçariá devèrs la seisena posicion, darrièr lo centrista bearnés François Bayrou, qu’atenheriá entre lo 7 e 9% dels vòtes.
Per quant al segond torn, lo sondatge augura una clara victòria de Fillon sus Le Pen, amb lo 65% dels vòtes fàcia al 35% que l’obtendriá la cap del Front Nacional.
Dins lo scenari ipotetic que Macron arribèsse de passar al segond torn, en prenent en compte qu'es a l'ora d'ara lo candidat d’esquèrra melhor situat, el tanben s’impausariá a Le Pen, amb lo 62% fàcia al 38%.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Valls a hèit passar una lei que degun volèva pas (86%), que lo parlament volèva pas votar e que se situava dens una logica de dreta liberala, çò que los electors de Hollande sentissèvan coma una tradison e an hèit díser per carrièras.
E après d'aquò vòu que lo monde vote per eth, e vòu "amassar".
Espèri que los electors d'esquèrra se deisharàn pas colhonar un dusau còp e lo jetaràn tre lo purmèr torn de la primària.
Ai remarcat que Jornalet ama belcòp mielhs se far lo pòrte-paraula daus sondages daus uns e daus autres pus leu qu'organisar un desbat sur lo ròtle daus occitanistes en politic. Me sei laissar dire que quò ven de la scolaritat. L'om i aprendria a recitar las leiçons aprengudas en cors e aurian pus de capacitat a contestar çò que se dich oficialament.
Contre la finança, l'òm i pòd ren, disia mon pair qu'era socialiste dins las annadas 1950.
L'òm compren ren, uei a la politica, si l'òm pensa pas que la Finança cambia de camp.
Martine Le Pen z'a plan ben comprengut e a trente ans d'avança. Es per aquò que los socialistes mai la dreicha la fan plan rire.
Urosadament qu'i a belcòp de monde que volan la patz, la justica, la solidaritat e non un programme Le Pen d'un autre temps. L'òm s'acrocha a d'aquel Europe qu'es cussonada per l'argent e la mafia alaidonc que seria urgent de lo desfach.
Bòf, bòf, bòf.
Tè ! N'an lor sadol de la dreita ultraliberala socialista. De tant qu'èra pas socialista, n'an jutjat que lor caliá cambiar de botiga. Es per aquò qu'an causit la dreita megaliberala pretenduda "republicana". Es a dire qu'an causit un sistèmi qu'a menat a l'arroïna una partida màger de la populacion dels Estats Units d'America, de las Islas Britanicas, dels estats espanhòls e portuguéses… Nos van far aplicar lo metòdi miraclós que ven de relevar meravilhosament Grècia ! Sèm salvats…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari