Actualitats
L’armada siriana a conquistat Alèp
Après plusors annadas de bombardaments, la vila es practicament tota destrucha
La vila siriana d’Alèp, fins ara a las mans dels rebèls sirians seriá ja conquistada per l’armada siriana governamentala, segon las darrièras informacions. Dempùei dimecres passat, se lancèt informaticament de centenats de messatges de soldats rebèls que demandavan d’ajuda. Qualques missatges mostravan lo patiment e lo dobte sus cossí podián ara fugir la vila sens èsser tuats per las tropas governamentalas.
Totun, la television de l'Hizbullah auriá confirmat que l’armada governamentala siriana auriá laissat un accès liure a las fòrças rebèllas per quitar la vila e aital fugir lo front. Los rebèls demandavan de seguretat pels civils que volián quitar la vila en direccion d’autres airals contrarotlats pels rebèls e situats al nòrd d’Alèp, majoritàriament.
Es per aquela rason que los rebèls demandavan que la fugida dels civils foguèsse pas dirigida devèrs la vila d’Idlib, qu’èra encara bombardada per l’armada aeriana russa . Una alta al fuòc de cinc jornadas èra tanben demandat per poder evacuar mai de 500 ferits qu’avián de besonh d’una inspeccion medicala urgenta. Solament après aquò, çò disian los rebèls, se poiriá parlar d’abandonar definitivament las armas.
“Un còp que la situacion umanitària serà melhora a Alèp —çò diguèt un pòrtavotz rebèl— se poirà parlar de l’avenir de la vila. Çò que s’es passat a Alep dins los darrièrs meses es puslèu una guèrra d’exterminacion contra sa populacion que non pas una guèrra convencionala”.
En mai d’aquò, divèrses oficials russes an confirmat que totas las personas trobadas dins los airals rebèls de la vila seràn consideradas coma de terroristas e seràn tuats. E lo govèrn sirian a acusat los rebèls d’arrestar la fugida dels civils de la zòna de guèrra per se protegir. Demest eles, mai de 30 000 aurián ja fugit en direccion del nòrd, ont cèrcan la proteccion de l’armada rebèlla o tanben de la curda.
D’annadas de bombardaments aerians
Après plusors annadas de bombardaments governamentals sirians e russes, la vila d’Alèp es practicament tota destrucha. Divèrses quartièrs de l’èst de la vila, dont d’espitals, d’escòlas e d’abitacions, son tanben estats destruches. La darrièra batalha d’esperela daissèt mai de 341 mòrts dont 81 civils e 44 enfants dins d’airals rebèls de la vila, segon d’informacions de l’Observatòri Sirian dels Dreches Umans.
D’un autre costat, la television libanesa a raportat que la base militara siriana de Mezze es estada atacada per d’avions israelians. Aquò es pas lo primièr còp que se debana. Israel ataca sovent d’airals sirians per bombardar l'Hizbullah, aliat del govèrn sirian e tanben d’Iran. Aquela ataca seriá la mai pròcha de Damàs, la capitala siriana, que l’a facha Israèl fins ara.
Segon l’ofici militar de premsa de l'Hizbullah, Israèl auriá lançat de fusadas aire-aire que serián arribadas sus la basa militara de Mezze a tres oras del matin en provocant un grand incendi mas cap de mòrt.
Christian Andreu
Totun, la television de l'Hizbullah auriá confirmat que l’armada governamentala siriana auriá laissat un accès liure a las fòrças rebèllas per quitar la vila e aital fugir lo front. Los rebèls demandavan de seguretat pels civils que volián quitar la vila en direccion d’autres airals contrarotlats pels rebèls e situats al nòrd d’Alèp, majoritàriament.
Es per aquela rason que los rebèls demandavan que la fugida dels civils foguèsse pas dirigida devèrs la vila d’Idlib, qu’èra encara bombardada per l’armada aeriana russa . Una alta al fuòc de cinc jornadas èra tanben demandat per poder evacuar mai de 500 ferits qu’avián de besonh d’una inspeccion medicala urgenta. Solament après aquò, çò disian los rebèls, se poiriá parlar d’abandonar definitivament las armas.
“Un còp que la situacion umanitària serà melhora a Alèp —çò diguèt un pòrtavotz rebèl— se poirà parlar de l’avenir de la vila. Çò que s’es passat a Alep dins los darrièrs meses es puslèu una guèrra d’exterminacion contra sa populacion que non pas una guèrra convencionala”.
En mai d’aquò, divèrses oficials russes an confirmat que totas las personas trobadas dins los airals rebèls de la vila seràn consideradas coma de terroristas e seràn tuats. E lo govèrn sirian a acusat los rebèls d’arrestar la fugida dels civils de la zòna de guèrra per se protegir. Demest eles, mai de 30 000 aurián ja fugit en direccion del nòrd, ont cèrcan la proteccion de l’armada rebèlla o tanben de la curda.
D’annadas de bombardaments aerians
Après plusors annadas de bombardaments governamentals sirians e russes, la vila d’Alèp es practicament tota destrucha. Divèrses quartièrs de l’èst de la vila, dont d’espitals, d’escòlas e d’abitacions, son tanben estats destruches. La darrièra batalha d’esperela daissèt mai de 341 mòrts dont 81 civils e 44 enfants dins d’airals rebèls de la vila, segon d’informacions de l’Observatòri Sirian dels Dreches Umans.
D’un autre costat, la television libanesa a raportat que la base militara siriana de Mezze es estada atacada per d’avions israelians. Aquò es pas lo primièr còp que se debana. Israel ataca sovent d’airals sirians per bombardar l'Hizbullah, aliat del govèrn sirian e tanben d’Iran. Aquela ataca seriá la mai pròcha de Damàs, la capitala siriana, que l’a facha Israèl fins ara.
Segon l’ofici militar de premsa de l'Hizbullah, Israèl auriá lançat de fusadas aire-aire que serián arribadas sus la basa militara de Mezze a tres oras del matin en provocant un grand incendi mas cap de mòrt.
Christian Andreu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquesta informacion la vos ha enviada l' agencia centrala de l'Imperi, propaganda de guerra. Messorgas sus messorgas. La veritat es que l'EI son terroristas e encara que ni l'UE ho volga reconeisser, han estat ajudant a terroristas a invadir un país de l'ONU. Mas la dreta que comanda l'UE e l'Imperi del mal, s'enfoten de la veritat e de las messorgas e cresen que l'EI son uns filhs de puta, però son sos filhs de puta.,e los ajudan per fotre a los russos.
lei bombardaments de la coalicion e lei cops de canon qu'escrachan Mossol fan ges de victimas civilas, tuian ren que lei marrits dhijadistas, que bonur ! l'observatori iraqui dei drechs umans es mut o puslèu cresi que dèu pas soncament existir ! ansin pot ren constatar !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari